Олон улсын харилцааны англи хэлний шалгалт буюу "TOEIC" шалгалтын үеэр хуулсан, заль мэх хэрэглэсэн 803 тохиолдол Япон улсад гарчээ. Энэ нь 2023 оны тавдугаар сараас 2025 оны зургадугаар сарын хооронд юм. Шалгалт зохион байгуулагчид энэ талаарх мэдэгдлийг долдугаар сарын 7-нд хийсэн бөгөөд 803 шалгуулагчийн дүнг хүчингүй болгож, дахин шалгалт өгөхийг нь таван жилийн хугацаагаар хориглосон байна.

Киотогийн их сургуулийн хятад оюутан Ван Ли Кун өнгөрсөн тавдугаар сард өөр хүний бичиг баримт ашиглан "TOEIC" шалгалт өгөхийг завдаад баривчлагдсан. Өөр хүний өмнөөс шалгалт өгөхийг санал болгосон мессеж ирсэн гэж Ван Ли Кун цагдаад мэдэгджээ. 27 настай тэрбээр амны хаалт зүүгээд, ард талд нь микрофон зүүсэн байжээ. Улмаар шалгалтын хариуг микрофон ашиглан бусадтай хуваалцсан гэж үзэж байна.

Ван Ли Кунгийн хэргийн дараа шалгалт зохион байгуулагчид лавшруулан шалгасаар бусад тохиолдлыг илрүүлжээ.

"TOEIC" нь ажлын байранд өдөр тутамд ашиглах англи хэлний чадавхийн шалгалт юм. Япон, Өмнөд Солонгос, Тайвань залуусын дунд "TOEIC" шалгалт өгөх сонирхол илүү түгээмэл байдаг.