Монгол Улсын Их Хурлын гишүүн, Эрчим хүчний сайд Б.Чойжилсүрэнгийн санаачилгаар Увс аймгийн 100 жилийн ойн хүрээнд хоол үйлдвэрлэл, хүнсний худалдаа, үйлчилгээ эрхлэгч иргэд, аж ахуйн нэгжүүдэд зориулсан эрүүл ахуйн стандарт, дагаж мөрдөх журмын талаарх сургалтыг зохион байгууллаа.

Энэхүү сургалтыг Эрүүл мэндийн яамны улсын ахлах байцаагч Я.Батцагаан удирдан явуулсан юм. Хоол үйлдвэрлэл, хүнсний худалдаа, үйлчилгээ эрхлэгчдэд эрүүл ахуйн шаардлага, стандартын хэрэгжилт, хоолны хордлогоос урьдчилан сэргийлэх, чанаргүй болон хугацаа хэтэрсэн бараа бүтээгдэхүүнээр иргэдэд үйлчлэхгүй байх талаар дэлгэрэнгүй мэдээлэл, заавар зөвлөмж өглөө.