Баяр наадмын өдрүүдийн цаг агаарын нөхцөл байдлын талаар ЦУОШГ-ын мэргэжилтэн цаг уурч Б.Нямцэцэгээс тодрууллаа.

Тэрбээр, “Баяр наадмын өдрүүдэд буюу долдугаар сарын 10-ны  өдөр 26 хэмийн дулаан, өдөртөө бага зэргийн аадар бороо орно. Салхины хувьд 5-10м/секунд хүртэл ширүүснэ. Харин долдугаар сарын 11-ний өдрөөс 12-ны өдрүүдэд 29 хэмээс 32 хэм хүртэл халж, 12-ны өдөр аадар бороо орох магадлалтай байна. Салхины хувьд 5-10м/с хүрнэ. Салхи аадар борооны өмнө ширүүснэ” гэв.

Долдугаар сарын 8-нд баруун болон төвийн аймгуудын ихэнх нутаг, говь болон зүүн аймгуудын нутгийн зарим газраар, 9-нд баруун, төв, говийн аймгуудын нутгийн зарим газар, зүүн аймгуудын ихэнх нутгаар, 10-нд нутгийн хойд хэсгээр, 11-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 12-нд баруун аймгуудын ихэнх нутгаар, 13-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн баруун хэсгээр, 14-нд төв болон зүүн аймгуудын зарим газраар, 15-нд Халх голын сав газраар бороо, дуу цахилгаантай аадар бороо орнох төлөвтэй байна. Харин салхины хувьд ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ.

Долдугаар сарын 13-нд уулархаг нутгаар бороо, дуу цахилгаантай аадар бороо орох тул аянга цахилгаан, мөндөр, нөөлөг салхины аюулаас сэрэмжтэй байхыг Цаг, уур орчны шинжилгээний газраас анхааруулав.

А.ТАМИР