Галын аюулгүй байдлыг хангах үүднээс батарей, зөөврийн цэнэглэгчээ онгоцны гар тээшний хэсэгт хийхгүй байхыг Японы агаарын тээврийн компаниуд хүссэн байна. Улмаар тухайн компани болон Тээврийн яамнаас зөөврийн цэнэглэгч батарейг кабиндаа оруулахыг хүссэн аялагчдад зориулсан бодлогыг Мягмар гаригаас эхлэн (2025.07.08) хэрэгжүүлэхээр шийджээ.

Зөөврийн цэнэглэгчийг ухаалаг гар утас, таблет гэх мэт төхөөрөмжүүдэд ашигладаг. Тэдгээр нь цочролд өртөх үед гал авалцаж болзошгүй лити-ион батарейг агуулдаг байна.

Энэ мэт шалтгааны улмаас өнгөрсөн хугацаанд нисэх онгоцонд дотор гал түймэр гарсан бөгөөд өнгөрсөн сард Өмнөд Солонгосын агаарын тээвэрт гарсан түймэр зөөврийн цэнэглэгчээс болсон байж магадгүй гэж цагдаагийн байгууллага мэдэгдсэн юм. Хонолулугаас өнгөрсөн дөрөвдүгээр сард хөөрсөн зорчигч тээврийн онгоцонд зөөврийн батарей шатаж, онгоц Токиогийн Ханеда нисэх онгоцны буудалд ослын буулт хийсэн юм.

Агаарын тээврийн компаниуд онгоцонд суухаасаа өмнө болон дараа нь зорчигчдод гар утасны батарейг дээд хэсэгт байрлуулахгүйгээр ойр байлгахыг хүсэх болж байна. Мөн тэднээс цэнэглэж байх үед төхөөрөмжөө харагдахуйц газар байрлуулахыг хүсэх болно. Гар утасны батарейг эзэндээ ойр байлгавал гал гарч байгааг анзаарч, хурдан унтраах боломжтой гэдгийг тус яамны ажилтан хэлж байна.