“Чингис хаан” олон улсын нисэх буудал руу нийтийн тээврийн автобус үйлчилдэггүйгээс такси эрхлэгчид амандаа орсон үнэ хэлж, 100 мянган төгрөгөөр үйлчилж байна гэх гомдол шүүмжлэл олонтаа гарсан. Харин Нийтийн тээврийн бодлогын газраас өнгөрсөн оны тавдугаар сарын 2-ноос эхлэн “Чингис хаан” олон улсын нисэх буудал руу дараах хоёр чиглэлээр үйлчилгээ үзүүлж эхэлсэн юм. Том хүн 15 мянгаар, хүүхэд 5000-7000 төгрөгөөр зорчиж байна. Чиглэлийн хувьд дараах маршрутаар зорчиж буй.

• Х:19-"Чингис хаан" Олон улсын нисэх буудал-Таван шар
• Х:20-Таван шар- Чингис хаан олон улсын нисэх буудал

ЗОГСООЛ:

• Х:19 Сүхбаатарын талбай, Төв цэнгэлдэх хүрээлэн, Яармагийн 1-р зогсоол, Буянт-Ухаа спорт цогцолбор, Чингис хаан олон улсын нисэх буудал
• Х: 20 Буянт-Ухаа спорт цогцолбор, Архивын ерөнхий газар- Чингис хаан олон улсын нисэх буудал

Дээрх үйлчилгээ зорчигч нараас хамгийн их талархал хүлээгээд байна. Аялал жуулчлалын оргил улирал гэхгүй жилийн дөрвөн улиралд тогтмол явуулж хэвшүүлэх хэрэгтэйг ч сануулж байгаа юм.

Г.ХОРОЛ