Монгол Улсын нийслэл Улаанбаатар хотноо 2025 оны 3х3 сагсан бөмбөгийн дэлхийн аварга болж, Испани, Нидерландын шигшээ багууд анхны түрүүгээ хүртлээ. Долоо хоног үргэлжилсэн энэхүү тэмцээнийг Сүхбаатарын талбайд нийтдээ 50 мянга гаруй хүн үзэж сонирхсон гэнэ. Дэлхийн аваргын сүүлийн өдөр, финалын тоглолтууд ч монголчуудын хувьд мартагдахааргүй боллоо.

Эрэгтэйчүүдийн финалд Испани, Швейцарийн багууд учраа таарч, Испани 21-17 гэсэн харьцаатай буулган авав. Сагсан бөмбөгийн өнө эртний түүхтэй тус улс анх удаагаа 3х3 төрлөөр дэлхийн аварга болж байгаа нь энэ. Энэ тэмцээний турш тэдний алсын зайн шидэлтүүд тун онцгой байж, гол зэвсэг нь байлаа.

Швейцарийн шигшээ баг ч тооцооноос гадуур, дутуу үнэлэгдсээр финалд хүрсэн нь онцгой амжилт байв. Тэд хагас шигшээд дэлхийн дөрвөн удаагийн аварга Сербийг буулган авсан нь мөн л олныг гайхшруулсан тоглолт байсан.

Харин хүрэл медалийг Серби хүртсэн. Тэд медалийн төлөөх тоглолтод залуу, хүчирхэг Германы шигшээг буулган авсан юм.

Эмэгтэйчүүдийн финалд мэдээж үлгэрийн эзэд Монголын шигшээ баг дэлхийн чансааг тэргүүлэгч Нидерландын багтай хүчийг үзсэн. Зохион байгуулагч орон, ард түмнийхээ дэмжлэгээр даль жигүүр ургуулсан Монголын баг тэнцүүхэн өрсөлдөөнийг үзүүлсэн ч "1xBet Mongolia"-ийн аналистуудын таамаглаж байснаар Нидерландын шигшээ баг финалд илүү байлаа. "Улбар шарууд" дэлхийн аваргын анхны түрүүгээ хүртэв.

Хүрэл медалийг Канадын шигшээ баг Польшийг хожиж, хүртжээ.

Испанийн Гуим Экспозито дэлхийн аваргын "MVP"-ээр нэрлэгджээ. Тэрбээр тэмцээний турш нийтдээ 30 оноо авч, багаа манлайлсан гэнэ. Түүнтэй хамт бэлгэдлийн багт Швейцарийн Натан Журковиц, Сербийн Страхиния Стояачич нар нэрлэгдэв.

Харин эмэгтэйчүүдийн шилдэг тоглогчоор, хувь үзүүлэлтээрээ дэлхийн чансааг тэргүүлэгч Нидерландын Нортже Дриссен тодорсон. Бэлгэдлийн багт түүний хамтаар "дайчин гүнж" О.Хулан, Канадын Саиша Грант-Аллен нар багтсан аж.