Дэлхийн хамгийн баян хүмүүсийн нэг, "Amazon"-ы үүсгэн байгуулагч Жефф Безос Венецийн түүхэн дурсгалт Арсенал барилгад хуримаа хийж байна. Хуримын үйл ажиллагаа Пүрэв гаригаас эхлэн гурав хоног үргэлжлэх юм. Түүхэн дурсгалт газарт хурим хийх нь соёлын өвд эрсдэлтэй гэж үзсэн эсэргүүцэгчид хуримын байршлыг хүртэл өөрчлүүлж чадсан тухай бид өмнө нь мэдээлсэн билээ. Хэдхэн тэрбумтны амьдралын хэв маяг болон тэдний бизнес байгаль дэлхийн сүйрэлд голчлон нөлөөлж байгаа гэсэн байр суурийг эсэргүүцэгчид илэрхийлсэн юм. Гэсэн ч Жефф Безос хана хэрмээр хүрээлэгдсэн, эсэргүүцэгчид амар нэвтрэх боломжгүй шинэ байршил олж, хуримаа хийнэ л гэсэн бол хийнэ гэдгээ харуулав.

Хуримын 200 гаруй зочдын дунд Элон Маск, Ким Кардашиан, Леонардо ДиКаприо, Иванка Трамп, Опра Уинфри нарын алдартнууд багтжээ. Хүрэлцэн ирсэн зочид болон хурим болох газрын зургаас сонирхуулж байна.