Төв зам дагуу дрифт хийж буй жолоочийн бичлэг цахим орчинд нийтлэгдсэн. Энэ талаар Тээврийн цагдаагийн албанаас "Зургадугаар сарын 22-ны өглөө 05:00 цагийн орчимд нийслэлийн Чингилтэй дүүргийн хоёрдугаар хорооны нутаг дэвсгэр, 11 дүгээр сургуулийн уулзварт "Toyota Chaser" маркийн тээврийн хэрэгслийг 21 настай, эрэгтэй Т нь жолоодон явахдаа Монгол Улсын Замын хөдөлгөөний дүрмийн 10.8.а дахь заалтыг зөрчсөн. Уг үйлдэл нь цахим орчинд нийтлэгдсэн бичлэг болон бусад баримтаар тогтоогдсон тул Зөрчлийн тухай хуулийн 14.7 дугаар зүйлийн 30-т заасны дагуу 50 нэгжээр /50,000 төгрөг/ бэлэн бус торгууль оногдуулж, тээврийн хэрэгсэл жолоодох эрхийг гурван сарын хугацаагаар хасах шийтгэл оногдуулсан" гэлээ.

Иймд иргэд, жолооч та бүхэн замын хөдөлгөөний дүрмийг баримтлан бусдад хүндэтгэлтэй хандаж, хөдөлгөөнд соёлтой оролцохыг зөвлөж байна.