Францад болж буй дэлхийн хамгийн том агаарын шоунд Хятад улс гар хийцийн байлдааны онгоцуудаа үзүүлж байна. Уг шоунд нийт 48 улс, нутаг дэвсгэрийн компани болон бусад байгууллагууд оролцож буй. Энэ жилийн хувьд Хятадаас нийт 76 аж ахуйн нэгж оролцож байгаа нь 2023 онд оролцсоноос хоёр дахин их юм.

Ажиглагчдын үзэж буйгаар, зэвсгийн экспортын зах зээлд Хятад улс оролцоогоо нэмэгдүүлэх боломжийг ашиглаж байгаа бололтой. Тус улсын үзэсгэлэнд гаргаж буй онгоцны загваруудын дунд “J-10” сөнөөгч болон хамгийн сүүлийн үеийн үл үзэгдэх сөнөөгч онгоц “J-35” зэрэг багтсан. Хятад улс J-10 сөнөөгч онгоцоо Пакистанд экспортолдог. Өнгөрсөн сард тус онгоц Энэтхэгийн армийн ашигладаг Францад үйлдвэрлэсэн Рафале сөнөөгч онгоцыг устгасан гэж Пакистаны арми мэдэгдсэн юм. Хятадын агаарын тээврийн салбар дагалдагч байр сууриас өндөр чадвартай өрсөлдөгч болж өөрчлөгдсөн гэж нэгэн хөгжлийн компанийн ахлах албан тушаалтан хэлсэн байна. Батлан ​​хамгаалах салбарын болон олон үндэстний бусад төлөөлөгчид Хятадын үзэсгэлэнг үзэж, тус улсын байлдааны ажиллагааны талаар сонирхох болжээ. Европийн агаарын тээврийн салбарын төлөөлөгч хэлэхдээ, Хятад улсын зах зээлд томоохон бизнесийн боломж байгаа бөгөөд тэд аль хэдийн хүчтэй өрсөлдөгч болсон гэжээ.