Энэтхэгийн ерөнхий сайд Нарендра Моди өнгөрч буй долоо хоногт Канадад болсон "Их-7"-ийн дээд хэмжээний уулзалтад оролцсон. Энэ үеэр түүн рүү Дональд Трамп утасдаж, Вашингтонд урьсан боловч тэр татгалзжээ. Оронд нь тэр Одиша руу явахыг сонгосон байна.

Тэрбээр Бхубанешварт болсон олон нийтийн арга хэмжээний үеэр хэлэхдээ "Хоёр хоногийн өмнө Канадад дээд хэмжээний уулзалтад оролцохоор очоод байхад Трамп над руу утасдсан. Чи Канадад байгаа юм бол Вашингтоноор дайраарай. Оройн хоол идээд, ярилцъя гэсэн. Тэр нэлээн шаргуу шаардсан. Би түүний урилгад баярласнаа илэрхийлсэн. Гэхдээ Одиша руу явах нь миний хувьд маш чухал байсан" гэжээ.