Тайванийн засгийн газар АНУ, Германд төвтэй нисгэгчгүй нисэх онгоцны програм хангамжийн "Auterion" компанитай гэрээ байгуулав. "Auterion" компанийн програм хангамжийг Украины дайны талбарт ашиглан, туршсан билээ. Иймд энэхүү хамтын ажиллагаа нь Хятадын заналхийллийг сөрөхөд тустай гэж Тайвань үзэж байна.

Энэхүү гэрээ нь цаашдаа Тайванийн олон сая дронд шинэ програм хангамж ашиглах эхлэлийг тавина гэдгийг "Auterion" компани мэдэгдлээ.

ОХУ-аас Украинд довтолсноос хойш Тайвань туршлага судалсаар байна. Украины арми нисгэгчгүй нисэх онгоцыг агаар болон далайд ашиглаж, Оросын тоон давуу талтай хэрхэн эсрэгцэж буйг тэд судалсаар байна.

"Auterion" компани Тайванийн Батлан ​​хамгаалах яамны судалгаа, хөгжлийн салбар болох Чун-Шань үндэсний шинжлэх ухаан, технологийн хүрээлэнтэй нисгэгчгүй систем, нисгэгчгүй нисэх онгоцны программ хангамжийн чиглэлээр стратегийн түншлэл байгуулахаар тохиролцжээ. "Манай технологийн түрэмгийллийг сөрөх, танк, тэнгисийн цэргийн эд хөрөнгө, бусад үнэтэй төхөөрөмжүүдийг устгах чадавх Украинд батлагдсан. Тайвань бие даасан том флоттой болсноор Хятадыг саатуулж чадна. Энэ түншлэл нэлээн урт хугацаатай" гэж компанийн зүгээс мэдэгджээ.