Монгол Улс болон БНСУ-ын хооронд дипломат харилцаа тогтоосны 35 жилийн ой энэ онд тохиож буй. Үүнтэй холбогдуулан дэлхийн А зэрэглэлийн уран бүтээлч ирж байгаа нь энэ зуны онцлох үйл явдал болж байгаа юм. Тодруулбал, хүчирхэг хоолойгоороо залуусын дунд алдаршсан Эйли, болон Bigbang хамтлагийн уран бүтээлч Taeyang  нар Монголд ирж энэ сарын 21-нд Төв цэнгэлдэх хүрээлэнд "Super concert" тоглолтоо толилуулах гэж байна.

Өмнөд Солонгос улсын дэлхийд алдартай уран бүтээлчид Монголд ирснээр соёлын хамтын ажиллагаа хүний нөөцийг чадваржуулах тухайд өндөр ач холбогдолтой юм.

Олон улсад Монгол улсын энтертайнмент салбарын хүний нөөц дэлхийн хэмжээний тоглолт, үзвэр үйлчилгээг зохион байгуулж чаддаг гэдгийг харуулах, тухайн салбарын эко системийг бүрдүүлэхийг зорин ажиллаж байна. Тоглолтын зохион байгуулагчаар "Evandis" entertainemt ажиллаж байна. Тус энтертайнмент нь өнгөрсөн жил мөн л Өмнөд Солонгос улсын алдартай уран бүтээлчид болох бидний дунд "Миний байшин" киноны гол дүрийн жүжигчин гэдгээрээ хэдийн танил болсон дуучин, жүжигчин Жон Жи Хүн буюу Rain, 2ne1 хамтлагийн гишүүн Сандара Пак буюу Дара, Bloo нар ирж уран бүтээлээ толилуулсан.

Дэлхийн алдартай уран бүтээлчдийг урьж авч ирснээр эерэг олон нөлөөллийг үзүүлэх юм. Энэ ч утгаараа "Evandis" entertainemt болон хамтрагч байгууллагууд дараагийн шатны уран бүтээлчийг авчрах алсын хараатай, зорилготой байна. Соёлын аялал жуулчлалын хүрээнд олон улсын байгууллагуудтай харилцан тохиролцож, үйл ажиллагаагаа өргөжүүлэх хэлэлцээрийн шатны ажлууд мөн өрнөж байгаа аж. Үүнд бодлогын шатны дэмжлэг хэрэгтэй. Мөн "Super concert 2025" ДНБ-д эерэг олон талт нөлөө үзүүлнэ гэсэн тооцоолол бий.