Остин Мэйжор: Плей-оффд шалгарсан топ 8 баг

АНУ-д үргэлжилж буй Мэйжорын гуравдугаар шат өндөрлөж, "CS2"-ийн дэлхийн шилдэг найман баг плей-оффт өрсөлдөх эрхээ авлаа. "1xBet Mongolia"-ийн зүгээс та бүхэнд сүүлийн хэсгийн онцлох мөчүүдийг хүргэж байна.

ПЛЕЙ-ОФФТ ШАЛГАРСАН 8 БАГ

3-0: Team Spirit, FURIA

Team Spirit гайхалтай формтой байгаагаа харуулж, ямар ч ялагдалгүйгээр хамгийн түрүүнд плей-оффд шалгарсан баг боллоо. Луу нар эхний тоглолтдоо paiN Gaming багийг 13:3 харьцаагаар бут ниргэж, дараа нь Хятадын үнсгэлжин Lynn Vision-г 13:7, улмаар NAVI-г 13:11, 13:3 харьцаагаар хоёр мап дээр илт давуу ялсан.

FURIA баг ч мөн гэнэтийн амжилт үзүүлэв. Олон аналистууд тэднийг 3-1 эсвэл бүр 3-2 амжилттай гарах болов уу гэж таамаглаж байсан ч бразилчууд The MongolZ (13:11) болон Aurora (13:7) багуудыг ялж, эцэст нь Virtus.pro-г хоёр мап дээр 13:3, 13:5-аар бут ниргэжээ.

3-1: FaZe Clan, NAVI, Vitality

Эдгээр гурван баг ч бас шөвгийн наймд ямар ч ялагдалгүй гарч болох байсан ч хувь заяа тэдэнд өөр зүйл бэлджээ. Дэлхийн чансааг тэргүүлэгч, тэмцээний гол фаворит Team Vitality эхний тоглолтоо Legacy багтай хийсэн нь ихээхэн сонирхол татав. Legacy угтаа Bestia багийг орлож, Мэйжорт оролцож байгаа бөгөөд дэлхийн чансаагаар 49-д бичигдэж байсан. Vitality 30 дараалан ялсан байсан ч тухайн өдөр 13:3 гэсэн хүнд ялагдал хүлээсэн билээ.

FaZe Clan эхний тоглолтдоо Aurora-д ялагдаж, NAVI харин Team Spirit-д дийлдсэн ч үлдсэн бүх тоглолтдоо хожиж 3-1 амжилттайгаар шалгарлаа.

3-2: The MongolZ, MOUZ, paiN Gaming

Сүүлчийн гурван багийн хувь заяа тавдугаар тойргийн дараа л шийдэгдэв. MOUZ болон paiN эхэндээ хоёр хожигдол хүлээсэн ч дараагийн гурван тоглолтдоо дараалан ялалт байгуулж, шөвгийн 8-д багтлаа.

The MongolZ эхний тоглолтдоо FURIA-д ялагдсан ч Team Liquid болон Lynn Vision багуудыг ялж, 2-1 болсон. Харин дөрөв дэх тоглолтдоо FaZe Clan-д дийлдэж, шөвгийн наймд орох эсэх нь G2 багтай хийх сүүлийн тулаанаас шалтгаалав. Монгол залуус эхний мап Ancient дээр 13:6 ялалт байгуулсан бол хоёр дахь мап Dust2 нь жинхэнэ тулаан болж хувирсан. Тэд 6:11 гэсэн хүндхэн байдлаас эргэн ирж, нэмэлт цагт гаргав. Энд багууд тав дараалсан нэмэлт цагт тоглож, CS2 эрин үеийн хамгийн урт, удаан тоглолтуудын нэгийг толилуулав. Эцэст нь Senzu (56/37 K/D, 1.61 рейтинг)-гийн гайхамшигт тоглолтын ачаар The MongolZ 28:25 гэсэн харьцаатай ялалт байгуулж, шөвгийн наймд шалгарлаа.

ТЭМЦЭЭНЭЭС ХАСАГДСАН БАГУУД

Virtus.pro, Legacy, G2 багууд (2-3 үзүүлэлттэй), Aurora, 3DMAX, Lynn Vision багууд (1-3), Team Liquid, Nemiga багууд (0-3) тус тус хасагдлаа.

Сонирхолтой нь, гуравдугаар шатнаас Мэйжороо эхлүүлсэн Aurora, G2, Team Liquid багууд бүгд плей-оффт хүрч чадалгүй хасагдсан нь энэ тэмцээний өрсөлдөөн ямар ширүүн байсныг харуулж байна.