ОХУ өнөө өглөө /2025.06.17/ Киевийн хэд хэдэн дүүрэгт нисгэгчгүй нисэх онгоцоор цохилт өгчээ. Украины албаныхны мэдээлснээр нисгэгчгүй онгоцууд нийслэл хотод гурван байрлалаас орж ирсэн байна. Уг цохилтын улмаас 14 хүн нас барж, 40 гаруй хүн шархаджээ. Нас барагсдын дунд нэг америк иргэн байсан гэв. Ерөнхийлөгчийн ажлын албаны дарга Андрей Ермак "ОХУ энгийн иргэдийн эсрэг дайнаа үргэлжлүүлсээр л байна" гэлээ.

Харин нөгөө талд ОХУ-ын Белгород мужид Украины 51 нисгэгчгүй онгоцыг устгасан гэж мэдэгдээд байна.

Украины арми Оросын нутаг дэвсгэрийн гүн дэх агаарын баазуудыг онилж, байлдааны онгоцуудыг нь онилсны дараа Москва халдлагын тоо эрс нэмэгдүүлсэн. Сүүлийн долоо хоногт Оросын хөөргөсөн нисгэгчгүй онгоц, пуужингуудын тоо дээд амжилт тогтоогоод буй.

Зеленский Канад дахь "Их-7"-ийн уулзалтын үеэр Трамптай уулзаж, зэвсгийн наймаа ярилцахыг хүссэн ч АНУ-ын ерөнхийлөгч удаан сааталгүй буцсан билээ. Тэрбээр зэвсэг үнэгүй авах талаар ярих гээгүй гэж мэдэгдэж байв. "АНУ-ын тусламжгүйгээр яаж амьдарч, яаж тулалдахыг төсөөлж чадахгүй нь, төсөөлөхийг ч хүсэхгүй байна. Америк, Европын харилцааг нураахгүйн төлөө бид бүгд хичээх ёстой. Их-7-ийн уулзалт бол Путиныг зогсоохын тулд бид ямар дарамт шахалт үзүүлж болох вэ гэдгээ ярилцах чухал боломж. Бид Оросын царцсан хөрөнгүүдийг хэрхэх тухай, хориг арга хэмжээний тухай хэлэлцэх болно" гэж Зеленский хэлж байжээ.

Firefighters work at the site of a residential area hit by a Russian military strike, amid Russia's attack on Ukraine, in the town of Dobropillia, Donetsk region, Ukraine March 8, 2025. Press service of the State Emergency Service of Ukraine in Donetsk region/Handout via REUTERS