Засгийн газрын тэргүүнээр сонгогдсон цагаас нь эхэлээд Г.Занданшатарын амаргүй өдрүүд эхэлнэ гэсэн нь биеллээ олсон. Ерөний сайдын үүрэг ажилдаа ороод тав хонож байгаа ч Засгийн газрын бүтэц, бүрэлдэхүүнээ оруулж ирж хэлэлцүүлж чадахгүй байсаар өнөөдрийг хүрсэн нь Г.Занданшатарын амаргүй өдрүүд үргэлжиж буйн нотолгоо.

УИХ-ын нэгдсэн чуулганы үеэр гишүүдийн асуултад хариулах үеэрээ ирэх долоо хоногт төсвийн тодотгол оруулж ирэхээс өөр аргагүй хэмээн яаравчилж байсан Ерөнхий сайдын ам ажил тохиролцоо, тохилцооноос болоод саатсан бололтой.

Ямартай ч өнгөрсөн амралтын өдрүүдэд Засгийн газрын бүтэц, бүрэлдэхүүнийхээ зураг, төөргийг баттай болгоод МАН дотроо болоод УИХ-д суудалтай нам,эвсэлүүдтэйгээ тохироод хүрээд ороод ирэх болов уу гэсэн хүлээлт өчигдөр /2025.06.16/ талаар болсон. Төрийн ажил ч, төрийн ордон ч эзгүйрсэн.

Дуншиж, дуншиж Ерөнхий сайд Г.Занданшатар өчигдөр буюу Даваа гаригт УИХ-д суудалтай ИЗНН, ХҮН нам болон Үндэсний эвслийн дарга нарт Засгийн газрын бүрэлдэхүүнд хамтран ажиллах саналыг зөвшилцөхөөр хүргүүлсэн нь МАН дангаараа Засгийн газраа байгуулах нь гэсэн таамагт цэг тавив. Ерөнхий сайд Г.Занданшатар ямар ч л байсан УИХ-д суудалтай улс төрийн намуудаас Ардчилсан намаас бусадтай нь хамтрахаар саналаа хүргүүллээ.

Тэгвэл ИЗНН-ын Улс төрийн Зөвлөл өнөөдөр /2025.06.17/-ны 11.00 цагт хуралдаж улс төрийн шийдвэрээ гаргах бол ХҮН намын төлөөллийн төв байгууллага болох Төлөөлөх зөвлөлийг 10.00 цагт хуралдуулж, Ерөнхий сайдын хүргүүлсэн Засгийн газрын бүрэлдэхүүнд хамтрах саналыг хэлэлцэж улс төрийн шийдвэрээ гаргахаар тогтсон байна.

Нэгэнт хамтран эсэх дээр шийдвэрээ гаргах улстөрийн намуудын дотоод уур амьсгал өөрчлөгдөж эхлэв. Тухайлбал, ХҮН намын хувьд өмнөх хамтарсан Засгийн газарт багтаж ажилласан. ХҮН намын дарга Т.Доржхандын хувьд Шадар сайдаар ажилласан бол Боловсролын сайдаар ХҮН намаас сонгогдсон Г.Наранбаяр ажилласан. ХҮН намын хувьд энэ удаагийн хамтралд барьц ахиулах бодлого баримтлах боломж боломж, нөөцийн хувьд хомс. Тэр ч бүү хэл хамтарч ажилласан өмнөх Засгийн газар нь огцорчихоод байхад дахин хамтралд орж сандал суудлын араас гүйх нь ХҮН намын үндсэн бодлого мөн үү биш үү гэдгийг харах л үлдээ.

Харин өчигдрийг хүртэл ИЗНН-ын дарга Б.Батбаатарын хуьд албан ёсоор хамтар бичиг ирээгүй учраас энэ асуудалд байр сууриа илэрхийлэх боломжгүй гэж гүрийсээр ирсэн. ИЗНН-ын дэвшүүлсэн бодлого, үнэт зүйл, бодлого хандлагаас нь харахад Байгаль орчин, уур амьсгалын өөрчлөлтийн салбараа авах санал гаргах байх гэсэн урьдчилсан таамаг бий. Тэгвэл ИЗНН-ын жагсаалтаар УИХ-д сонгогдсон М.Нарантуяа-Нара "Хүний хүчээр Их хуралд суудалтай болчихоод, Засаг авах хэмжээний юм ярьцгааж, бас хүнийг хэцүү нэртээр нь дууддаг новшнууд их болжээ. Манайх засагт хамтарлаа ч хүний нөөц гарын таван хуруугаар дуусна.Би хүний өөрийнгүй үнэнийг чинь дуудна. Маргаашийн та нарын элдэв суудал горилсон хуралд очно гэж гонж. Угаасаа юу болдог билээ дээ, үхсэн баас" гэж байр сууриа илэрхийлсэн харагдана лээ.

Үндэсний эвслийн тэргүүн Н.Номтойбаярын хувьд  Ерөний сайдыг томилохтой холбоотой УИХ-ын нэгдсэн  чуулган дээр "Улс төр хагаралтай, эдийн засаг хямралтай энэ үед Засгийн газрын тэргүүнд горилогч бол үнэхээр эрх мэдэлд дуртай нэгэн байж болох. Эсвэл улстөрчийн хувьд ханцуй шамлан хүндрэл бэрхшээлийг даван туулъя гэж болох. Ийм хоёр заагт л сонголт хийх байх. Таныг бол ханцуй шамлаад үзье гэдэг тал дээр байгаа болов уу гэж бодож байгаа. Таалагдахгүй байна, эргэлзээтэй байна, итгэл төрөхгүй байна.Таалагдахгүй байгаа нь, Ерөнхий сайдыг сонгох анхан шатны сонгууль МАН-ын Бага хурал дээр болсон. Бага хурал хаалттай хуралдсан, гишүүдийнхээ гар утсыг хурааж авсан. Саналын хайрцгаа хөшигний ард задалж тоолсон. Энэ ардчилсан зарчимд нийцэх үү. Ер нь цаашид нэр дэвшигчийг шийдэхдээ ил тод зарчмаар хандах ёстой л доо. Та өөрөө үүнийг улстөрчийн хувьд юу гэж харж байна вэ.Эргэлзэж байгаа нь, өмнөх Ерөнхий сайд Л.Оюун-Эрдэнэ удаа дараа нэг зүйлийг хэлсэн. Ерөнхийлөгчийн дэмжлэг байхгүй болсон, зөрчилдөөд байна гээд. Та Ерөнхий сайд болсноор энэ зөрчлийг шийдэх үү.Итгэл төрөхгүй байгаа нь, би таныг юу руу яваад орж байгаа бол гэдэг дээр санаа зовж байгаа. ЗГ-ын кабинетын зарчим алдагдсан. ЗГ-аа огцруулахын төлөө ажилласан, урвалт шарвалт маш их байсан. Ийм итгэл үнэмшилгүй кабинет түүхэнд бүрдэж байгаагүй" гэж мэдэгдсэн юм. Тэгвэл түүний болоод намынханы итгэл, эргэлзээ нь тайлагдсан эсэхийг харах үлдэж байна.

Сануулахад Ерөнхий сайдын улс төрийн намуудад  хүргүүлсэн саналд, "Олон улсын харилцаа, геополитикийн эгзэгтэй нөхцөл байдал үргэлжилж, худалдааны тарифын зөрчилдөөн, уул уурхайн бүтээгдэхүүний зах зээлийн үнийн уналтаас үүдэлтэй эдийн засагт үзүүлэх сөрөг нөлөөллийг бууруулах, төрийн бодлогын тогтвортой байдал, залгамж чанарыг хадгалж, үндэсний эв нэгдэл хангаж ажиллах нь энэ цаг үед туйлын чухал юм" хэмээн онцолсон байдаг. Нэмэгдүүний байрыг солиход нийлбэрийн чанар өөрчлөгддөг эсэхийг бодох л хэрэгтэй дээ.