Нийслэлийн хэмжээнд ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцлийг сайжруулах зорилго дор энэ жил гурван дүүрэгт дахин төлөвлөлт төслийг хэрэгжүүлэхээр болжээ. Тодруулбал, эл төсөл Чингэлтэй дүүргийн дөрөвдүгээр хорооны нутаг дэвсгэрт байрлах нийтийн эзэмшлийн зориулалттай зургадугаар орон сууц, Сүхбаатар дүүргийн зургадугаар хороонд байрлах 22 дугаар орон сууц, Сонгинохайрхан дүүргийн 18 дугаар хороонд байрлах СТ-4 дүгээр орон сууцыг хамруулснаар шинээр барих боломжтой болжээ.

“Улаанбаатар орон сууцжуулалт” ХХК-иас зарласан сонгон шалгаруулалтад "Хөх бүрдний эх", "Хан хөгшин стэйт", "Гартаам агат" компаниуд шалгарснаар энэхүү төслийг хэрэгжүүлэх боломжтой болж байгаа аж.  Дээрх компаниуд өнөөдөр төслийг хэрэгжүүлэх нэгжээр шалгарсны батламжаа гардаад байгаа юм. Эл төсөл хэрэгжсэнээр 5000 орчим яндан буулгаж, иргэд тав тухтай орчинд амьдрах нөхцөл бүрдэнэ гэдгийг “Улаанбаатар орон сууцжуулалт” ХХК-ийн  удирдлага хэлж байна. Мөн ойрын хугацаанд дахин хоёр нэгж талбар дээр хуучин орон сууцыг буулгах ажил эхлэх юм байна.

Г.ХОРОЛ