Өнгөрч буй долоо хоногийн онцлох үйл явдлыг тоймлож байна.

ЯАМГҮЙ САЙД НАРЫГ ЯВУУЛЖ, ТӨСӨВТ ТОДОТГОЛ ХИЙНЭ

УИХ-ын нэгдсэн чуулганд оролцсон 117 гишүүний 108 нь буюу 92.3 хувь нь дэмжсэнээр Гомбожавын Занданшатарыг Монгол Улсын 34 дэх Ерөнхий сайдаар томилов. Ингэснээр тэрбээр албан ёсоор үүрэгт ажилдаа орж байна. Одоо Ерөнхий сайд Засгийн газрын бүтэц, бүрэлдэхүүнээ тодруулж томилох учиртай. Унтаад сэрэхэд зурагдчихсан Засгийн газрын бүтэц, бүрэлдэхүүн гэж үгүй. Түүний хувьд өөрийн Засгийн газрынхаа бүтэц, бүрэлдэхүүнийг өнгөрсөн хэд хоногт хар зургийг нь гаргачихсан гэх яриа бий. Иргэд олон нийтийн дунд МАН дангаараа засаглах уу эсвэл УИХ-д суудалтай намуудаас Ардчилсан намаас бусадтай нь хамтарч Засгийн газраа байгуулах уу гэдэг дээр хүлээлт өндөр байна.

ЕРӨНХИЙЛӨГЧИЙН ТАМГЫН ГАЗРЫН ДАРГААР А.ҮЙЛСТӨГӨЛДӨР АЖИЛЛАНА

Өнгөрсөн шөнө /2025.06.13/ УИХ-ын чуулганы нэгдсэн хуралдаанаар Монгол Улсын Ерөнхий сайдаар Г.Занданшатарыг томилох тухай саналыг 108 гишүүн хэлэлцэж гишүүдийн 92.3 хувийн саналаар дэмжин, баталсан. Ингэснээр Ерөнхий сайд Г.Занданшатарын ажиллаж байсан Монгол Улсын Ерөнхийлөгчийн Тамгын газрын даргаар А.Үйлстөгөлдөрийг томилохоор болжээ.

Тэрбээр Монгол Улсын Ерөнхийлөгчийн Тамгын газрын дэд даргын албан тушаалыг дөрөв дэх жилдээ хашиж буй.

Aлтанхуягийн Үйлстөгөлдөр нь:

• 1999-2003 онд МҮОНРТ-д хөтлөгч,
• 2002-2006 онд “Улаанбаатар” радио, FM-101.7-д хөтлөгч, найруулагч,
• 2006-2009 онд FM-104 радиод захирал,
• 2009-2011 онд ТВ-8 телевизэд захирал,
• 2011-2013 онд SEVEN телевизэд захирал,
• 2013-2014 онд НАМЗХ-ны Хэвлэл мэдээлэл, олон нийттэй харилцах хэлтсийн дарга,
• 2016 оноос НАМЗХ-ны Удирдах зөвлөлийн гишүүн,
• 2016-2017 онд Монгол Улсын Шадар сайдын зөвлөх,
• 2017-2020 онд Монгол Улсын Ерөнхий сайдын зөвлөх,
• 2019 оноос Харилцаа холбооны зохицуулах хорооны гишүүн,
• 2020-2021 онд Монгол Улсын Ерөнхий сайдын зөвлөх,
• 2021 оноос Монгол Улсын Ерөнхийлөгчийн Тамгын газрын дэд даргаар ажиллаж байгаа юм.

ТЭТГЭВРИЙН ЗЭЭЛД ТАВИХ ӨР ОРЛОГЫН ХАРЬЦААГ 50:50 БОЛГОВ

Монголбанкны Мөнгөний бодлогын зөвлөлөөс гаргасан шийдвэрийн талаар /2025.06.13/ төв банкны ерөнхийлөгч Б.Лхагвасүрэн мэдээлэл хийлээ.

Мөнгөний бодлогын зөвлөл  бодлогын хүүг 12 хувьд хэвээр хадгалах, тэтгэврийн зээлд тавих өр, орлогын харьцааг 50 хувь байхаар шийдвэрлэжээ.  Тэтгэврийн зээл нь цалин барьцаалсан хэрэглээний зээлтэй адил гэж үзсэн байна.

Ингэснээр тэтгэвэр барьцаалсан зээл авахад нийт тэтгэврийнхээ 50 хувийг зээлэнд, үлдсэн 50 хувь нь амьжиргаагаа залгуулах эх үүсвэр болж үлдэнэ.

Мөнгөний бодлогын зөвлөлийн хувьд тэтгэврийн зээлд тавих өр, орлогын харьцааг 50:50 хувиар тогтоосноос хугацаан дээр хязгаар тавиагүй. Энэ нь тухайн арилжааны банкуудын дотооддоо шийдэх асуудал гэж тооцжээ. Иймээс хэдий хугацааны тэтгэврийн зээл авах боломжтой вэ гэдгийг зээл олгох банк нь шийдвэрлэх юм байна.

СҮСЭГТЭН ОЛНЫ ХӨЛ ТАСРААГҮЙ БУРХАН БАГШИЙН ИХ ДҮЙЧИН ӨДӨР

Энэрэл нигүүлсэл, уучлал ухаан хосолсон, эгэлгүй сургаалиар замаа гийгүүлсэн Бурхан багшийн их дүйчэн өдөрт зориулсан хүндэтгэлийн арга хэмжээ зуны тэргүүн сарын шинийн 15-н буюу Бурхан багшийн их дүйчин өдөр /2025.06.11/ тохиож, бурхан шашинтны төв Гандантэгчэнлин хийд олны хөлд дарагдав.

Сүсэгтнүүд энэ өдрийг ихэд билэгшээж, гэр бүлээрээ төв ганданг зорин очиж, хурал номд даган баясдаг уламжлалтай. Цагаан сарын дараах 20-иод хоногт л түм түжигнэдэг ганданд зуны тэргүүн сарын шинийн 15-нд түүнийг давсан хэмжээнд олон хүн цугладаг. Үүрийн 04:00 цагаас бүтэн өдөржин үргэлжлэх хөтөлбөр арга хэмжээг балчраас эхлэн азай буурлууд хүртэл ядрахаа умартан даган баясна. Монголчуудын дийлэнх нь буддын шашинтай. Шашин шүтдэггүй гэх ч цагаа тулбал сүсэггүй хүн байдаггүйн тод жишээ энэ өдөр байв.

БАЙТ ХАРВААНЫ ТУСГАЙЛАН СУРГАСАН 18 АДУУГ ХУЛГАЙЛАН ТӨХӨӨРЧЭЭ