"Европын холбоо Оросын эрчим хүчийг төлөвлөгөөний дагуу зогсоосноос болж Словакт тулгарах асуудлыг шийдвэрлэх гарц өгөхгүй бол Москвагийн эсрэг 18 дахь хориг арга хэмжээг дэмжихгүй" гэж Словакийн ерөнхий сайд Роберт Фико хэллээ. Европын комисс өнгөрсөн Мягмар гаригт Оросын эрчим хүчний орлого, банкууд болон цэргийн үйлдвэрлэлд чиглэсэн шинэ хориг арга хэмжээг санал болгосон.

Ойрын жилүүдэд Оросын байгалийн хийн болон бусад эрчим хүчний импортыг зогсоох Европын холбооны төлөвлөгөөг Фико шүүмжилж буй. Тус төлөвлөгөөг Европын холбоо өнгөрсөн сард зарласан юм. Мөн энэ төлөвлөгөөг эдийн засгийн амиа хорлолт гэж Фико нэрлэжээ. Тэрбээр "Оросын байгалийн хий, газрын тос, цөмийн түлшний нийлүүлэлтийг бүрэн зогсоосны дараа Словакт үүсэх хямралыг Европын холбоо бодитоор шийдвэрлэж өгөхгүй бол удахгүй хэрэгжиж эхлэх 18 дахь багц хориг арга хэмжээг дэмжихгүй" гэсэн юм.

Унгар улс Словакийн нэгэн адил Оросын байгалийн хий, нефтийн нийлүүлэлтээс хамааралтай хэвээр байгаа. Тиймээс Унгар ч бас энэ төлөвлөгөөг дэмжихгүй байгаа аж.