Морьт харвааны 18 морийг хулгайлсан хэрэг гарчээ. Тодруулбал, өнгөрөгч зургадугаар сарын 07-ний өдрийн үүрээр морьт харвааны бэлтгэлд байсан 18 тооны морийг дөрвөн иргэн хулгайлсан талаар тус морьдын эзэн, иргэн Н.Болдбаатар өөрийн цахим хуудастаа мэдээлсэн байна. Тэрбээр, “Дэлэн дээрээс дэлхийг хурааж явсан Монголчууд бид хүнд хэцүүхэн он цагын уртад мартаж гээчихсэн Морьт харваа, намнаа хэмээх өв соёл, уламжлалыг 21-р зуунд дахин сэргээн хөгжүүлж, өвлүүлэн үлдээхээр хичээж буй энэ цаг үед энэхүү спортод хүчээн өргөж байгаа 18 хүлэг морьдыг минь Жаргалантын амнаас зургадугаар сарын 7-ны өглөө 04:30 цагт гурваас дөрвөн хүн нийлэн хулгайлж, баруун хойш чиглэн тууж одсоныг хувь хүн, байгуулагуудын гадна камерын бичлэгүүдээс үзхэд нулимс мэлмэрж, зүрх шимширмээр байлаа" гэжээ.

Тус хэргийг нийслэлийн Хан-Уул дүүргийн цагдаагийн хэлтсээс шалгаж байгаа юм байна.