Өмнөд Солонгосын Соёл, спорт, аялал жуулчлалын яам болон Солонгосын аялал жуулчлалын байгууллага хамтран Солонгосын аялал жуулчлалыг дэлхийн тавцанд сурталчлах зорилгоор "Netflix"-тэй хамтран ажиллах болжээ. Солонгос контентыг сонирхож буй "Netflix" хэрэглэгчдэд зориулсан цогц кампанит ажлыг Солонгосын засгийн газрын агентлаг болон дэлхийн стримингийн аварга компани анх удаа хамтран хийх гэж буй нь энэ юм.

Энэхүү кампанит ажилд "Squid Game" цувралаас сэдэвлэсэн аялал жуулчлалын сурталчилгааны видео багтжээ. Сурталчилгааны видео гарахтай зэрэгцээд Солонгосын аялал жуулчлалын байгууллагын зүгээс "Ягаан хамгаалагчдын дагалдан Солонгост хийх ВИП аялал" нэртэй арга хэмжээг эхлүүлнэ. Уг арга хэмжээний ялагч нь Өмнөд Солонгос руу аялах эрхийн эзэн болно.

Кампанит ажлын хүрээнд хийгдэж буй бүх контентыг Солонгосын аялал жуулчлалын байгууллагын албан ёсны "YouTube суваг" "Imagine Your Korea"-аас үзэх боломжтой.

"Netflix" дэх солонгос контентыг үзэгчдийн 72 хувь нь Өмнөд Солонгост зочлох хүсэлтэй байгаагаа илэрхийлжээ. Эндээс харвал дэлхий даяар 300 сая гаруй захиалагчтай "Netflix" нь Солонгосын соёлыг дэлхий даяар түгээхэд чухал үүрэг гүйцэтгэж байна.