Жүдо бөхийн 2025 оны дэлхийн аварга зургадугаар сарын 13-ны өдөр Унгарын нийслэл Будапешт хотноо эхэлнэ. Өнөөдрийн байдлаар/2025.06.10/ зургаан тивийн 93 орны 563 жүдоч өрсөлдөхөөр мэдүүлгээ өгчээ. Монгол Улсын шигшээ багийн тухайд нийт 18 тамирчнаа бүртгүүлсэн.

Эрэгтэйчүүдийн шигшээ багийн тамирчид

• Дэлхийн аваргын мөнгөн медальт Э.Ариунболд /-60 кг/
• Залуу тамирчин К.Ёолк /-60 кг/
• Дэлхийн хошой хүрэл медальт Ё.Басхүү /-66 кг/
• Б.Эрхэмбаяр /-66 кг/
• Дэлхийн аваргын хүрэл медальт Л.Анхзаяа /-73 кг/
• О.Уранбаяр /-73 кг/
• О.Шинэбаяр /-81 кг/
• Б.Хүдэрчулуун /-100 кг/
• Б.Гончигсүрэн /+100 кг/

Эмэгтэйчүүдийн шигшээ багийн тамирчид

• Г.Наранцэцэг /-48 кг/
• Ж.Анударь /-48 кг/
• Л.Сосорбарам /-52 кг/
• Т.Ариунзаяа /-57кг/
• Дэлхийн аваргын хошой хүрэл медальт Л.Энхрийлэн /-63 кг/
• Б.Ганхайч /-63 кг/
• Д.Есүй /-70 кг/
• Б.Ням-Эрдэнэ /-70 кг/
• А.Адъяасүрэн /+78 кг/

Шигшээ багийн бүрэлдэхүүнд шинэчлэл өрнөж, залуучууд хүч түрэн орж ирж байна. Дээрх бүрэлдэхүүнийг харахад хамгийн ахмад нь 31 настай хашир, туршлагтай Ё.Басхүү байх аж. 18 настай Ж.Анударь, Т.Ариунзаяа тэргүүтэй залуу тамирчид ч багтжээ.

Мөн АНЭУ-ын нэр дээрээс барилдаж буй Монголын хоёр легионер жүдочид болох Б.Нармандах болон Б.Хорлоодой нар өрсөлдөнө.

Дэлхийн шилдгүүдээс Японы ах дүү Абэ, Гүржийн Лаша Бекаури, Францын Ширин Букли, Амандине Бушар, Сара Леони Сиске, Бельгийн Маттиас Кассе гээд бүхий л шилдгүүд хуран чуулах төлөвтэй байна.