Олон улсын букмекерийн "1xBet Mongolia"-ийн зүгээс энэ зун АНУ-д болох шинэ форматтай томоохон тэмцээний тоймыг хүргэж байна.

ШИНЭ БҮТЭЦТЭЙ КЛУБУУДЫН ДАШТ

Энэ жил клубуудын ДАШТ цоо шинэ форматаар анх удаа зохион байгуулагдах гэж байна. Зургаан тивийн хөлбөмбөгийн холбоодын нийт 32 клуб оролцох ба тэдгээр нь дөрвөн багтай найман хэсэгт хуваагдана. Хэсэг тус бүрээс эхний хоёр баг шөвгийн 16-д шалгарна. Энэ бүтэц нь уламжлалт ДАШТ-ийг санагдуулах ч нэг онцлог ялгаатай нь хүрэл медалийн төлөөх тоглолт байхгүй.

Нээлтийн тоглолт зургадугаар сарын 15-нд Египетийн Аль-Ахли болон АНУ-ын Интер Майами багуудын хооронд болно. Харин шигшээ тоглолт долдугаар сарын 14-нд 82 мянган хүний суудалтай MetLife цэнгэлдэх хүрээлэнд явагдана.

ТЭРБУМ ДОЛЛАРЫН ТӨЛӨӨХ ӨРСӨЛДӨӨН

Энэ тэмцээнд түрүүлэх нь зөвхөн нэр хүнд төдийгүй асар их мөнгөн шагналыг дагуулна. Нийт шагналын сан 1 тэрбум ам.доллар бөгөөд оролцогч багуудад хуваарилагдана. Баг бүрт хамгийн багадаа 15.21 сая ам.доллар олгогдох бол тоглолтонд хожвол 2 сая, тэнцвэл 1 сая ам.долларын нэмэлт урамшуулал авна. Хасагдах шатанд шалгарсан баг 7.5 саяыг нэмэлтээр хүртэх ба аварга баг 100 саяас дээш ам.доллар авна. Энэ бол Европын баячуудын багуудад ч татгалзахын аргагүй боломж юм.

ГОЛ ФАВОРИТУУД

Тэмцээний гол фаворит багуудын дийлэнх нь Европ тивийнхэн. Туршлагатай, оддоор бүрэлдсэн бүрэлдэхүүнтэй тэд бусад тивийн багуудад хүчтэй сорилт болох нь дамжиггүй.

Тэдний нэг бол Испанийн Реал Мадрид. Тус баг шинэ дасгалжуулагчаар Хаби Алонсог томилж, хүчирхэг бүрэлдэхүүн бүрдүүлэхийн тулд идэвхтэй наймаа хийж байна. Үүний нэг жишээ нь Трент Александр-Арнольдын гэрээ дуусах хүртэл хоёр долоо хоног дутуу байсан ч Реал 10 сая еврог төлөн, түүнийг шууд элсүүлсэн явдал юм.

Мөн 1xBet-ийн албан ёсны түнш, шинэхэн Европын аварга Пари Сен-Жермен (ПСЖ) гол өрсөлдөгчдийн нэг. Тэд Аваргуудын лигийн шигшээ тоглолтод Интер Миланыг 5-0 гэсэн харьцаатай бут ниргэж, хүчирхэг бүрэлдэхүүнтэй гэдгээ баталсан. Луис Энрикегийн удирдлагад залуу баг тун сайн тоглолт үзүүлж буй бөгөөд улирлын гурав дахь цомоо хүртэхийг зорьж байна.

Байерн Мюнхен, Манчестер Сити, Интер Милан зэрэг Европын бусад хүчирхэг багууд ч тэмцээний гол өрсөлдөгчид байх болно. Ялангуяа энэ улиралд цомгүй хоцорсон Интер дахин хүчээ сорихоор тэмүүлж байна.

Өмнөд Америкаас Бразилын Палмейрас баг онцгой анхаарал татаж байна. Копа Либертадоресын гурван удаагийн аварга тэд бат бэх хамгаалалт, өргөн бүрэлдэхүүнтэйгээр ялалтад тэмүүлнэ. Харин Ази тивд Саудын Арабын Аль-Хиляль баг Кулибали, Невес, Милинкович-Савич зэрэг олон улсын одуудтай хүчтэй өрсөлдөгч билээ.

Мөн АНУ-ын Интер Майами баг олон хүний анхаарлыг татаж буй. Тэдний бүрэлдэхүүнд домогт Лионель Месси, Луис Суарес, Серхио Бускетс нар багтсан нь үзэгчдийг догдлуулж байна.

2025 оны FIFA-гийн клубуудын ДАШТ дэлхийн шилдэг клубуудын халуухан тулаануудыг амлаж байна. Тэмцээний талаар 1xBet Монголоос хамтдаа дагаарай!