Иран 1200 кг хагас баяжуулсан уранаа Тегеран дахь цөмийн тогооны түлшээр солиход бэлэн байгаагаа мэдэгдлээ. Ираны Атомын эрчим хүчний байгууллагын тэргүүн Али Акбар Салехи "Джаван"  сонинд ярилцлага өгөхдөө энэ тухай  мэдэгджээ. Түүний яриагаар өмнө нь Иран 400 кг хагас баяжуулсан ураныг солилцох санал дэвшүүлж байсан боловч цөмийн түлш нийлүүлэгч нь түүнийг эдийн засгийн ашиггүй гээд татгалзсан аж. Салехи тэр нийлүүлэгчийн талаар тодруулж хэлээгүй байна. Одоо Иран 1200 кг хагас баяжуулсан уранаа 20 хувийн баяжуулалттай 120 кг уранаар солиход бэлэн гэхдээ солилцоог Иранд зэрэг хийнэ гэжээ.
Өмнө нь Иран Олон улсын цөмийн эрчим хүчний агентлагийн санал болгосон хагас баяжуулсан ураныг цөмийн түлшээр солих саналыг нь хүлээн аваагүй юм. Үүнийг хийхэд хагас баяжуулсан ураныг Орост нэмэн баяжуулаад дараа нь Францад өгөн тэндээс цөмийн түлшний саваагаар солих ёстой байв.  АНУ, Израиль зэрэг орнууд Ираны цөмийн хөтөлбөрийг цөмийн зэвсэгтэй болох зорилгоор хийж байна гэж сэжиглэдэг. Энэ асуудлаарх хэлэлцээр үе үе мухардалд орж байна. АНУ, Их Британи, Франц гурав НҮБ-ын Аюулгүйн зөвлөлд Ираны эсрэг шинэ хориг тавиахаар саналаа өгөхөд бэлэн байна. Гуравдугаар сард шинэ хоригийн төслийн АНУ Орос ба Хятадын талд танилцуулсан юм.
2010 оны эхээр Иран ураны баяжуулалтаар 20 хувьд хүргэнэ гэж зарласан байгаа. Хоёрдугаар сард Ираны Ерөнхийлөгч Ахмадинежад илүү нягтралтай ураны эхний бүтээгдэхүүнийг хийсэн гэж  мэдэгдсэн байна. Натанзе дахь баяжмалын үйлдвэр ураны баяжуулалтыг 80 хувь хүртэл хийж чадна гэхдээ бидэнд тийм өндөр нягталтай уран хэрэггүй гэж тэр хэлж байлаа. Энэ нь Иран цэвсгийн уран гаргаж чадна гэсэн хэрэг юм.