Продент шүдний эмнэлэг нь шүдний бүх төрлийн эмчилгээндээ Герман улсын Elexxion брэндийн зөөлөн эдийн диоде лазерыг ашиглаж эхэллээ.

Лазер ашиглаж эмчилгээ хийх нь олон давуу талтай. Тухайлбал, уруул болон хэл, буйлны хөвчийг лазераар тайрснаар эмчилгээний үед цус бага гарч оёдол тавих шаардлагагүй эдгэрэл хурдан гэх мэт үр дүнтэй.  Мөн шүдний тулгуур эдийн эмчилгээ, имплант хийх, шүд цайруулалт, амны салстын өвчлөлийг эмчлэхэд зүслэг хийх шаардлагагүй бөгөөд маш бага тунгаар мэдээ алдуулалт хийхээс гадна мэс заслын хутга ашиглахгүй, эмчилгээний явцад цус гарахгүй, оёдол тавих шаардлагагүй мөн дараа нь үүсэх цус алдалт, хавдар, таагүй мэдрэмжийг бууруулдаг гэдгээрээ онцлогтой.

Үүнээс гадна шүдний сувгийн эмчилгээ хийхэд  лазер ашигласнаар үйлчлүүлэгчийн цаг зав болон санхүүг хэмнэх боломжтой.

Учир нь сувгийн эмчилгээний үед багадаа 2-3 удаа давтан үзүүлэх шаардлагатай болдог. Тэгвэл лазер хэрэглэж сувгийн эмчилгээ хийснээр нэг удаа эмчилгээ хийж дахин ирэх шаардлагагүй болж байгаа юм.