Ардчиллын түүхэнд хамгийн удаан хугацаанд Гүйцэтгэх засаглалын тамга барьж ирсэн Л.Оюун-Эрдэнэ авлига, албан тушаалын асуудлаас болж суудлаасаа огцорсон. Түүнийг оронд Ерөнхий сайдын суудалд хэн очих вэ гэсэн горилогчдын таамаглал ч улс төрийн трэнд сэдэв болжээ. Л.Оюун-Эрдэнийн засагласан хугацаанд Монголын эдийн засагт дорвитойхон шинэчлэлт хийгдээгүй. Харин төрийн оролцоо нэмэгдэж, хувийн хэвшлийнхний боломжийг төр хулгайлах болсон. Түүний нэг жишээ бол нийслэлийн Засаг дарга Х.Нямбаатар төсвийн мөнгөөр гулгисан "будаатай хуурга" байлаа.

Ердөө жилийн өмнө МАН ард түмэндээ "хайр" зарлаж, сонгуулийн уриагаа "Ард түмний ялалт" хэмээн зарласан. Гэвч үнэндээ ард иргэдийн амьдрал, Ардын намынхны авдаг авлига хоёр урвуу хамааралтай болсныг өнгөрсөн өдрүүдийн үйл явдлууд нотлож харуулсан билээ.

УИХ-ын сонгуулийн дараа парламентад суудалдтай гурван нам буюу МАН, АН, ХҮН хамтарсан Засгийн газар байгуулсан. Гэхдээ Л.Оюун-Эрдэнийн бэрийн цүнхний хэргээс болж АН-ыг МАН-ын Бага хурлын гишүүд засгаас хөөсөн билээ. Харин дараагийн шинэ засагт хэнтэй хамтрах, хэнийг Ерөнхий сайдаар тавих вэ гэдгийг МАН-ын фракциуд шийднэ.  Шинэ Ерөнхий сайдад шийдэх олон ажил угтаж байна.  Ямбыг эдлэхийг хүсч байгаа горилогчдод ялыг нь үүрэхийг бас давхар сануулъя.

Мөн шинээр байгуулах Засгийн газарт хуучин амлалтыг нь эргэн сануулъя. УИХ-ын 2024 оны сонгуулиар 68 суудал авсан МАН-ын сонгуулийн мөрийн хөтөлбөртөө юу амлаж байв!

• 1.4.2. Нэг хүнд ногдох ДНБ-ийг хоёр дахин нэмэгдүүлнэ.
• 2.1.1. Улсын төсвийн зарлагын ДНБ-д эзлэх хувийг 25 хувь хүртэл болгож бууруулна.
• 2.3.2. Газрын тос боловсруулах цогцолборыг ашиглалтад оруулж олон улсын стандарт хангасан авто бензин, түлшийг дотоодоосоо хангах нөхцөлийг бүрдүүлнэ.
• 2.5.1. Эрчим хүчний салбарт бодлогын суурь шинэчлэл хийж, хувийн хэвшлийн хөрөнгө оруулалтыг татах чадвартай салбар болгон хөгжүүлнэ.2.5.2. Эрчим хүчний өсөн нэмэгдэж буй хэрэглээг хангахад тархмал эх үүсвэрийг ашиглана.2.5.3. Цахилгаан эрчим хүчний эх үүсвэрийн суурилагдсан хүчин чадлыг 2 дахин нэмэгдүүлэх доорх цахилгаан станцыг барьж байгуулна.2.5.3.1. 90 МВт-ын Эрдэнэбүрэнгийн усан цахилгаан станц;2.5.3.2. 300 МВт-ын Бөөрөлжүүтийн цахилгаан станц;2.5.3.3. “Дулааны цахилгаан станц 4” ТӨХК-ийн суурилагдсан хүчин чадлыг 70 МВт-аар өргөтгөнө;2.5.3.4. 400 МВт-ын Багануурын цахилгаан станц;

  2.5.3.5. 450 МВт-ын Тавантолгойн цахилгаан станц;

  2.5.3.6. 200 МВт-ын Шивээ Овоогийн цахилгаан станцыг тус тус ашиглалтад оруулна.

• 3.2.1. Бизнес эрхлэлтийн индексээр 20 байр урагшилж, бизнесийн орчин сайтай эхний 60 улсын нэг болно.
• 3.3.1. Эдийн засгийн өсөлтийг 7-8 хувьд тогтмол хадгалж, гадаад валютын улсын нөөцийг нэмэгдүүлэн, арилжааны зээлийн дундаж хүү, үнийн өсөлтийг нэг оронтой тоонд барих бодлого баримтална.

Үүнээс гадна доорх амлалтууд нь МАН-ын мөрийн хөтөлбөрт тусгагдаж, сонгуулийн үеэр олон нийтэд ил тод зарлагдаж байсан үндсэн зорилтууд юм. Хэрэгжилтийн үнэлгээг ойролцоогоор, олон нийтийн мэдээлэлд тулгуурлан дүгнэх байдлаар хүргэж байна.

Энэ бүхний цаана иргэдийн хүлээлт, итгэл, цаашлаад ардчилсан тогтолцооны үндэс болох хариуцлага оршиж байгаа. Иймээс Засгийн газрын бүрэлдэхүүнээс үл хамаарч амлалтаа цаашид хэрэгжүүлэх нь чухал байна.