Монголын хөлбөмбөгийн дээд лиг хэсэг хугацаанд завсарлаад байсан билээ. Шалтгаан нь лигийн багууд холбооныхоо үйл ажиллагаа, санхүүгийн чадамж, удирдлагыг шүүмжилж, өөрчлөгдөхийг шаардсан. Улмаар Монголын хөлбөмбөгийн холбооны ерөнхийлөгчийн сонгууль болж, Ц.Анандбазар сонгогдсон түүхтэй. Гэсэн хэдий ч лиг үргэлжлэх хугацаа тодорхойгүй, ойлгомжгүй байдал хүрсэн.

Тэгвэл Монголын хөлбөмбөгийн дээд лигийн тоглолтууд үргэлжлэхээр болсон бөгөөд зургадугаар сарын 06-ний өдөр 17 дугаар тойргийн тоглолтууд эхлэх аж. Энэхүү шийдвэрийг тус лигийг зохион байгуулагч "Очир зөвлөл" зургадугаар сарын 02-ны өдөр хуралдаж гаргажээ. Мөн нэгдүгээр лиг, футзалын дээд лиг, футзалын нэгдүгээр лигийн тоглолтууд удахгүй үргэлжлэх аж. Харин эмэгтэйчүүдийн футзалын лиг Монголын эмэгтэй шигшээ багийн цугларалттай холбоотойгоор тодорхойгүй хугацаагаар хойшилжээ.

Сүүлд гарсан хөлбөмбөгийн холбоотой мэдээллээс дурдахад, Монголын барилгачдын “Golden city” клубтай санамж бичигт гарын үсэг зуржээ. Барилгын салбарын төлөөлөл болсон "Golden city" клуб нь эхний ээлжинд нэг легионер дасгалжуулагч, хоёр легионер тамирчин авахаар болсон гэнэ.