УИХ-ын Төрийн байгуулалтын байнгын хорооны өнөөдрийн хуралдаанаар Ерөнхий сайдад итгэл үзүүлэх эсэх тухай УИХ-ын тогтоолын төслийг хэлэлцээд гишүүдийн 73.9 хувь нь дэмжсэнээр "Ерөнхий сайдад итгэл хүлээлгэх нь зүйтэй" хэмээн үзлээ. Санал хураалтад нийт 23 гишүүн оролцсоноос 17 нь Ерөнхий сайдад итгэл үзүүлэх ёстой гэж үзсэн бол зургаа нь дэмжээгүй санал өгчээ. 

Санал хураалтыг нууцаар явуулсан юм. 

Одоо энэхүү асуудлыг УИХ-ын чуулганы нэгдсэн хуралдаанд танилцуулж, шийдвэрлүүлнэ. 

Ерөнхий сайдад итгэл үзүүлэх тухай тогтоолын төслийг хэлэлцэж байгаатай холбоотойгоор гишүүд асуулт асууж, санал хэлж байна.

УИХ-ын гишүүн О.Батнайрамдал:

-Том зургаар нь харж дүгнэлт хийх орон зай гэж харж байгаа. Маш өндөр зохион байгуулалттай зөндөө л юм боллоо, энэ хавар. Олон арван жил хүсэж, арай гэж батлуулж авсан Үндэсний баялгийн сангийн тухай хууль хэрэгжээд хэлцэл яваад эхэлсэн. Нэг ч хэлцэл эцэслэгдээгүй. Энэ ганцхан Монгол Улсад яваад байгаа юм биш байгалийн баялгаас хэт хамааралтай орон олон байдаг. Тэдгээр орнууд дээр явдаг хамгийн том толгойны өвчин Монголын улс төрийн процесс дээр болж байгаа энэ үйл явц бол байгалийн баялгийн шударга хуваарилалт хийж чадах уу, энэний ард гарч чадах уу гэдэг тэмцэл явж байна.

Цөөхөн хэдэн бүлэглэл байгалийн баялгаас орж ирж байгаа орлого дээр эзэн сууж хяналтандаа байлгасаар байх уу, эсвэл Үндэсний баялгийн сангаар дамжуулж, орон сууц, эрүүл мэнд боловсрол руу хөрөнгө оруулалт хийх шуудууг бид нээж чадах уу.

Ерөнхий сайд Л.Оюун-Эрдэнэ:

-Бодитой үнэнийг ярьж чадахгүй байна. Засгийн газрын алдаа бол том төслүүдийг арай хурдан явуулчихсан. Том төслүүдээ явуулчихсан юм бол Ардчилсан нам хэрэгтэй юу,  хэрэггүй юу гэдэг том асуудал босож ирсэн нь нууц биш. Шахсан хүмүүсийн дийлэнх нь тийм юм ярьсан. Ардчилсан намын сайд нар маш сайн ажилласан, би чин сэтгэлээсээ талархаж байгаа. Тийм учраас хамтарсан Засгийн газраа  зөв гэдэг идеалоги дээр зогсож байгаа. Цаашдаа ч гэсэн олон асуудлыг хамтарч шийдэх хаалга нээлттэй байгаасай гэж хүсэж байгаа учраас нээлттэй ярьж байгаа.

Гашуунсухайт яваад ирсэн дараагийн Засгийн газар зурагдсан байсан Энэ бол бодитой. Ардчилсан нам дотор бас дараагийн удирдлагаууд нь тэр зурагдсан Засгийн газартайгаа нийлчихсэн байсан, энэ бол шалтгаан.

Ингээд маш том блок үүссэн. Зүгээр энэ асуудал байсан бол би аль эрт залуучуудтай уулзах байсан. Суурь шалтгаан энэ нөгөө л сандал суудал, томилгооны асуудал. Тийм ч учраас хамтарсан Засгийн газрын гэрээн дээр улсын эрх ашиг нэгд, намын эрх ашиг хоёрт, хувийн эрх ашиг гуравт гэдэг энэ үгийг би гэрээнд албаар оруулсан. Ийм л алдаанаас болж бид Засгийн газраа дандаа фэйлдүүлсэн. Тэгээд сээрэн дунгуй шиг чөтгөргийн тойрог руу орсон. Энэ дээр стратегийн ордын хэлцэлтэй холбоотой, олон олон асуудал нэгдэж байгаа нь бодитой үнэн.

Ордон дотор би хүч алдаж байгаагаа дэндүү сайн ойлгож байгаа. Одоо  тэгээд бие биенээ хараад худлаа ярьцгаагаад яах вэ дээ, бодитой зүйлээ ярь.

Хэн нь ямар сайд болоод явах нь вэ ард түмэн маань бүгдийг нь хараарай. Ямар жижиг эрх ашнгаас болж ямар том хөгжлийн боломжийг устгаж байгааг тогтоож аваарай. Тэгээд одоо уулзсанаасаа өөр юм яриад яах вэ, бодитой үнэнээ хэл л дээ. Бодитой бүх үнэнийг чинь хариулкя байна ш дээ.

УИХ-ын гишүүн Б.Баярбаатар: 

-Би горимын санал гаргамаар байна. Үдээс өмнө УИХ дахь намын бүлгүүд хуралдсан. Төрийн байгуулалтын байнгын хороо хуралдаад санал хураах цэг дээр ирж байна. Гишүүд янз бүрийн байр суурьтай байгаа.

УИХ-аас сонгогддог бүх албан тушаалтнууд нууц санал хураалт өгдөг. Жишээлбэл, Өнгөрсөн 7 хоногт өөрөө өргөдлөө өгсөн Сонгуулийн ерөнхий хорооны гишүүнийг чөлөөлөхөд нууц санал хураалт явуулсан. Тэгэхээр Ерөнхий сайд УИХ-аас хурлаас томилогдож, чөлөөлөгддөг албан тушаалтан.

Мөн С.Бямбацогт гишүүний гаргасан саналтай адил бодолтой байна. Нийгмийн нөхцөл байдал, аюулгүй байдал, нийгмийн талцал хуваагдлыг парламент нь өөрөө үүсгэж болохгүй гэж харж байна. Тийм учраас ТББХ санал хураалтыг нууцаар буюу цаасаар хураах горимын санал дэвшүүлж байна гэв.

УИХ-ын гишүүн П.Сайнзориг:

-Ерөнхий сайдад итгэл үзүүлэх асуудлыг нууц санал хураалтаар шийдэж болохгүй. Нууцын цаана хуйвалдаан л явна гэсэн үг. Хэд сонгогдоод ирэхээр сайд болно гэж тачааддаг юм байна лээ. Намтар дээрээ ямар ч байсан сайд гэж бичиж байж бууна гэсэн жижигхэн бодол энэ улстөрчдөд байдаг юм байна лээ гэв. 

Гэвч байнгын хорооны хуралдаанд оролцсон гишүүдийн олонхи нь нууцаар санал хураахыг дэмжив. Иймээс УИХ-ын гишүүд Ерөнхий сайдад итгэл үзүүлэх эсэх тухай асуудлаар саналаа нууцаар өгч байна. 

УИХ-ын Төрийн байгуулалтын байнгын хорооны хуралдаанаар Ерөнхий сайдад итгэл үзүүлэх тухай тогтоолын төслийг хэлэлцэж байгаатай холбоотойгоор гишүүд асуулт асууж, санал хэлж байна.

УИХ-ын гишүүн О.Номичимэг:

-Гурав орчим долоо хоногийн өмнө Ерөнхий сайдын хүүгийн асуудал өрнөөд орлогоо нотол гэдэг хөөдлгөөн өрнөсөн. Төд удалгүй энэ нь “Огцрох амархан” хөдөлөгөөн болсон. Төд удалгүй хамтарсан Засгийн газартай байх уу үгүй юу гэдэг асуудал руу орсон. 

Өнөөдөр бид Ерөнхий сайдад бодлогын асуудлаар итгэл хүлээлгэх үү болж байна. Орлого нотлох асуудал маань бодлогын асуудал дээр итгэл хүлээлгэх болсонд бидэнд тунгаан бодох асуудал хомс байлаа.

Гадаа олон хоног жагсаж байгаа залуусыг ойлгож байна. Сошиал дээр гүтгэх асуудал хэрээс хэтэрч байна. УИХ-ын гишүүд рүү шантаажилсан айлгасан, хэн нь мэдэгдэхгүй зохион байгуулалттай адилхан мессеж ирж байна. Хар PR их болж байна. Анхнаасаа орлогоо нотлох асуудал ямар шатанд байна. Ил тодоор тайлбарлаач ээ?

Ерөнхий сайд Л.Оюун-Эрдэнэ:

-Та бүхэн бүгдээрээ л ажигласан байх. Тавдугаар сарын 14-нд Гашуунсухайт- Ганцмод хил холболтын төмөр замын бүтээн байгуулалтын ажил эхэлсэн. Тэр үетэй давхацаад энэ мэдээлэл цацагдсан. Хүрч ирсэн өдрөө л бүх материалаа бүрдүүлээд Авлигатай тэмцэх газар “АТГ/-т өгсөн. Бид бүгдээрээ л Хөрөнгө орлогын мэдүүлгээ өгдөг.

Хүүтэйгээ уулзсан, юу болов гээд асуусан. Манай хүү АТГ-т очиж тайлбар өгсөн. Хүү маань 23 настай.

Уулзаад ярихад нэгэн бүсгүйд хайр сэтгэлтэй болсон нь үнэн байна. Бие давхар болоод бөгж бэлэглэсэн. Бөгж нь 17 сая төгрөгийн үнэтэй, бугуйвч нь 500 мянган төгрөгийн үнэтэй. Тэр нэг том үнэтэй машин судалж үзсэн, Монголд 10 хүрэхгүй л байдаг юм билээ. Тэр бол худлаа мэдээлэл.

Миний хөрөнгө орлонгын мэдүүлэг АТГ -ын цахим мэдээлэлд байгаа. Хугацааны хувьд Хөрөнгө орлогын мэдүүлэгтэй нягтлаад буцаагаад хариу өгөхөд  хоног нь 30-60 хоног. УИХ дээр яригдах асуудал дээр хэвлэл мэдэлэлд хөндлөнгөөс тайлбарлах нь зохимжгүй юм шиг санагдсан.

Хүүтэйгээ уулзаж, цаг гаргаж чадаагүй нь миний хувьд аав хүний алдаа. 23 настай гэдэг залуу бол бие даасан эрх зүйн чадамжтай иргэн. Би 23 настай байхдаа Дэлхийн зөн олон улсын байгууллагад салбар удирдаад явж байсан. Тэр хүн хэнд хайр сэтгэлтэй болох, яаж амьдралаа зохиоход нь хөндлөнгөөс оролцоод байх нь зохисгүй. Зөв амьдраасай, янз бүрийн юманд холбогдчихолгүй байгаасай гэдэг үгийг хоёр хүүдээ хоёуланд нь хэлдэг. Олон нийтийн өмнө гаргахгүй явж байгаад нэрмээс болгочихою уу гэдэг бодол бий. Олон нийтийн шаардлага зөв.

Миний хөрөнгө орлогын мэдүүлэг ойлгомжтой. Хүлэг контент, Херо энтертэйнментын 50 хувь байдаг. 2017 оноос хойш тогтвортой байгаа.

Манай хүүгийн хувьд багаасаа л зураг авах сонирхолтой, та нар ч зарим нь мэднэ.

Сонирхлынхоо дагуу контент хийх дуртай хүүхэд. Манай аав бол зураач, надад бол зургийн авъяас байхгүй, манай хүүд бол зургийн авъяас бий. Тэрнийхээ дагуу энд тэнд контент хийгээд явдаг залуу. Цаашдаа энэ ажлаа хийгээд явах байх. Хугацаандаа энэ бүх зүйл нотлогдоно гэдэгт итгэлтэй байна. Хэрвээ би өөрийнхөө хөрөнгө орлогод эргэлзэж байсан бол галтай олон асуудал руу орохгүй байсан. Хэрвээ энэ жагсаал зөвхөн орлгоо нотлох зүйл байсан бол шууд гараад уулзах байсан.

УИХ-ын гишүүн Б.Батбаатар:

-Орлогоо нотлох тухайд баримт нь гүйцэхгүй байгаа. Имрэх зүйл гарч ирэхгүй байгаа учраас АТГ мэдээлэл гаргаж болохгүй гээд байгаа юм уу түүн дээр гацаад байна.

Хоёрт, хамтарсан Засгийн газар байгуулсан улс төрийн намуудын гэрээг ил гаргаад сонирхоод байгаа хүмүүст нь өгчихөж болдоггүй юм уу.

Гурав дахь асуудал нь УИХ олонх, цөөнхгүй болсон. Засагт ороогүй хэсэгт хяналт тавих багаж нь байсан бол олон зүйл засагдах, хяналттай байх байсан. Улс төрийн шийдвэр хоёр гурван газар л гардаг. Нэгд нь Ерөнхийлөгчийн хориг, хоёрт ҮХЦ- ийн дүгнэлт, гуравт нь МАН-ын Бага хурал. Энд гарсан шийдвэр парламентад орж ирээд 1.3 жилийн настай Засгийн газар байр шугамаа сольсон олон үйлдлүүд бий.

Ерөнхий сайд Л.Оюун-Эрдэнэ:

-Эвслийн гэрээ нууц биш ил л байгаа. Хэвлээд гишүүдэд өгчих, нууц юм биш. Нууц байна л гэж яриад байгаа болохоос биш. Германы эвслийн Засгийн газрыг гэрээг аваад суусан. Маш зузаан гэрээ байдаг юм билээ. Илүү боловсронгуй болгох гэж үзсэн. Хамтын хариуцлага хүлээх, харилцан мэдээлэл солилцох гээд олон асуудал туссан.

Хамтарсан Засгийн газарт давуу тал их байна. Төслүүдээ харвал 10 сарын дотор 4-5 төсөл шийдсэн. Сул тал нь аль аль намд нь годмол үүсдэг, нуугаад яах вэ.

Томилгооны, мэдээллийн маш их зөрүүтэй байдал үүсдэг. Аль аль талд нь шүүмжлэлтэй байр суурь илэрхийлж байгаа хүмүүс дээр асар их хардалт үүсдэг. Олонх цөөнхийн хяналт тэнцэл алдагдаад байгаа юм биш үү гэдэг Б.Батбаатар дарга таны асуугаад байгаа асуудал үүсдэг. Нээлттэй ярьж байгаа нь дараа, дараагийн Засгийн газарт судлагдахуун болж үлдээсэй гэж бодоод байна. Гэрээгээ тал талдаа л хэрэгжүүлэх ёстой. Хэрэгжүүлж чадахгүй бол асуудал үүснэ.  

Хөрөнгө орлоготой холбоотой материал бол ил байгаа. Би аваад ирсэн байгаа, Бүрдүүлсэн материал.  Журам нь болж байвал нийтэд гаргахад болохгүй зүйлгүй. Миний хөрөнгө орлогын мэдүүлэг ч байгаа. Нээлтэй мэдээллийг шаардаж байгаад миний хувьд талархалтай байгаа. Сайн нягтлуулаад, төртэй холбоотой ямар орлого зарлагын асуудал гарч байгааг би бүгдийг ил тод тайлагнахад бэлэн байна.

Миний хувьд өнгөрсөн хугацаанд нэг ч удаа төрийн сангийн зээл, нэг ч удаа төртэй холбоотой банк, нэг ч төрийн томилгоонд оролцоогүй учраас би өөртөө 100 хувь итгэлтэй байгаа. Нийгэм сайн шаардах ёстой.

Бүх хүн орлогоо нотлоод явах нийгмийн хандлагыг би зөв гэж бодож байгаа. Хуулиа бас баталчих хэрэгтэй. Нотолж чадахгүй бол улсын орлого болгочих хэрэгтэй. Манлайлаад хийчих нь Монгол төрд дэвшил байх.

УИХ-ын гишүүн Ж.Баярмаа:

-Бодлогын тодорхой асуудал гэхээр ямар асуудлаар итгэл үзүүлэхийг хүсээд байна вэ. Баялгийн тухай хууль батлагдсан уу. Энэнэтэй холбоотой 34 хувиа авна ч гэл үү 51 хувиа авна ч гэл үү. саад тотгор үүсээд байгаа юм уу.

Ухаахудагийг авах юу болсон бэ, яагаад гацаад байна вэ. Хөрөнгө хураах тухай хууль түрүүчийн долоо хоногт УИХ-д оруулсан. энэ яагаад удав. Ийм байтал яагаад энэ хуулийг оруулахад асуудал үүслээ гэж яриад байдаг юм бэ.

Ерөөсөө баялгаа авах гэтэл блохгүй байна, Хөрөнгө хураах тухай хуулийг батлах гэтэл гацаагаад байна, Ухаахудагийг авах гэтэл өгөхгүй байна гээд шүүмжллэтэй хандаж байгаа хүмүүст наагаад байна, залхаж байна. Бушуухан авахыг нь аваач ээ. яагаад энэ хуулиа эрт оруулж ирээгүй юм бэ. Хрөөнгө нь нотлогдохгүй бол яах юм, ямар нэг хуулиар зохицуулагдах юм уу. Эсвэл О.Алтангэрэл сайдын саяхан оруулж ирсэн хуулийг хүлээх ёстой юм уу.

Итгэл хүлээлгэх эсэх тухай асуудал яригдаж байна. Би бол итгэл хүлээлгэхгүй гэдгийг удаа дараа хэлж байгаа. УИХ итгэл хүлээлгэнэ гэвэл та цаашаа ажиллаад явах уу.

Уг гарвал чинь өөр асуудал байсан, тэр асуудал буруу гэж үзэж байгаа бол таны хэлсэн үг байдаг. Япон, Солонгосын албан тушаалтнууд жижигхэн асуудлаас ажлаа өгөөд огцордог гээд.

Ерөнхий сайд Л.Оюун-Эрдэнэ:

-Огцрох амархан, тэрэнтэй санал нэг байгаа. Миний хувьд албан тушаалтай зууралдаад  байгаа юм байхгүй. Огцорсны дараах үр дагаврыг тооцох ёстой. Энэ бол Монгол төрийн ажил.

Цааш, цаашдын Засгийн газар олон сорилтуудтай тулна. Асуудал бүхэнтэй тулаад Засгийн газар огцроод байвал хэт тогтворгүй засаглал үүсвэл парламентын засаглал дээр эрсдэл үүсэх учраас хувь хүний шийдэл байж болохгүй гэж л үзээд байгаа юм.

Тэрнээс намайг албан тушаалтайгаа зууралдаад байна, Ерөнхий сайдын албан тушаалд дуртай хүн гэдэг өнцгөөс хараад хэрэггүй. Олон талаас нь Үндэсний баялгийн сангийн тухай хуультай холбоотой стратегийн ордын 34 хувьтай холбоотой хэлцэл хийгдээд явж байгаа. Эхнийх нь Ухаахудагтай холбоотой асуудал УИХ-д өргөн баригдаад хоёр удаа буцаагдсан. УИХ дээр П.Мөнхтулга гишүүнээр ахлуулсан ажлын хэсэг гараад хуралдаж байсан цаг үетэй давхацсан. Энэ хэлцэлтэй холбоотой, Онтрагийн асуудал байгаа.

Орлогоо нотолж чадахгүй бол Иргэний журмаар хууль бус хөрөнгө орлогыг нэхэмжлэхтэй холбоотой хуулийн төслийг нэгдүгээр сарын 24-нд өргөн барьсан. Гашуунсухайт-Ганцмод боомтын хил холболтын төмөр замын ажил эхэлсэн үетэй давхцаж ийм асуудал үүссэн.

Энийг би том агуулгаараа Монголын нийгэм, парламент дүгнэлт хийх нь зүйтэй л гэж үзэж байгаа. Олон, олон том төслүүд хялбар байсан бол бүгдээрээ л явчих байх. Бүгд хамтарч ажилласнаар том эрх ашгууд, геополитикийн ард гарч байсан.

Гэхдээ цаашдаа Монголын парламент, Засгийн газар гадна дотнын нэлээдгүй олон хүнд сорилтуудтай тулгарна. үүнийгээ нээлттэй ярилцаад шийдвэрээ гаргадаг байхгүй бол асуудал үүслээ ийм юм боллоо гэдэг байдлаар төр донслоод байвал хоёр том гүрний дунд байдаг Монголын хувьд төр суларна гэж үзээд байгаа юм.

УИХ-ын Төрийн байгуулалтын байнгын хорооны хуралдаанаар Ерөнхий сайдад итгэл үзүүлэх тухай тогтоолын төслийг хэлэлцэж байгаатай холбоотойгоор гишүүд асуулт асууж, санал хэлж байна. 

УИХ-ын гишүүн Н.Номтойбаяр:

-Тогтоолын төсөлд “Үүссэн улс төрийн нөхцөл байдлаас шалтгаалан сонгодог парламентын тогтолцоог төгөлдөржүүлэхэд дэмжлэг шаардлагатай байна” гэж. Энэ өгүүлбэрийн учир шалтгаан юу вэ.

Ерөнхий сайд Л.Оюун-Эрдэнэ:

-Сонгодог парламентын засаглал гэдэг агуулгыг бүгдээрээ л мэдэж байгаа. Монгол Улс  парламентын засаглалтай, төлөөллөө илүү том болгосон. Энэ юу гэсэн үг вэ гэхээр парламент өөрөө бие даан шийдвэр гаргадаг байх эрхийг л баталгаажуулж байгаа. 76-126 болсноор олон эксперт орж ирснээрээ санал гээгдэхгүй жагсаалтыг төлөөлж байгаа гишүүд томсгосон тойргоос өндөр чансаатай сонгогдож байгаа гишүүд бүгдээрээ Монголын ард түмнийг төлөөлж байгаа. Ард түмнийг төлөөлж байгаа элчийн хувьд энэ шийдвэрээ бидний хувьд гаргах нь зүйтэй. Энэ ч агуулгаараа сонгодог парламентапд байдаг нийтлэг жишгийг хэвшүүлэх гэж энэ итгэл үзүүлэх эсэх тухай асуудлыг оруулж ирж байгаа.

Дэлгэрэнгүй деталчилсан асуулт асуувал хариулахад бэлэн байна. Энэ бүх мэтгэлцээн сонгодог парламентын соёл. Парламент өөрөө Засгийн газраа бүрдүүлж огцруулдаг байх нь өрөө Үндсэн хуулийн зарчим. Үүнд хэн ч ямар нэгэн байдлаар нөлөөлөхгүй байх учиртай.  Энэ бол ард түмэнд олгогдсон парламентын онцгой бүрэн эрхийн асуудал. Тийм учраас парламент олон талаас шүүн хэлэлцээд, олон нийт ард иргэдийн эргэлзээ болон асуудлыг тайлах ёстой. Энэ агуулгаар оруулж ирсэн.

УИХ-ын гишүүн Б.Баярбаатар:

-Ерөнхий сайдад итгэл үзүүлэхийг дэмжиж байгаа. Албан ёсоор Үндсэн хуулиар олгогдсон эрхээ гүйцэтгэх засглалын тэргүүн ч, парламент ч өнөөдөр хэрэгжүүлж байна. Түүхэндээ анх удаа итгэл үзүүлэх тогтоол орж ирж байгаа юм билээ. Энэ нэг талаараа соёл гэж харж байгаа. Өнөөдөр өглөө МАН -ын бүлэг хуралдсан, хайрцагласан ямар нэг шийдвэр гаргаагүй. МАН ын Бага хурлаар Ерөнхий сайдыг огцруулах эсэх асуудал яриагүй, шийдвэр ч гараагүй. Энэ бол цэвэр эрх зүйт зарчмаараа парламентын эрх үүрэг. Энэ эрх үүрэг Төрийн байгуулалтын байнгын хорооны хурал нээгдсэнээр эхэлж байгаа шүү.

Парламент өөрөө эрхээ эдлэх ёстой. Ерөнхий сайдын Үндсэн хуулиар олгогдсон, парламентдаа хандсан хандлага. Гүйцэтгэх засаглалын тэргүүнийг парламент л томилно, парламент л чөлөөлнө. Хариуцлагын асуудал парламент дээр л яригдана.

Энэ асуудлыг төлөвшүүлэхэд илүү анхаарах ёстой. Тэгж байж хяналт, харилцан эрх мэдлийн хуваарилалт тэнцвэржинэ. Энэ байр сууринаас хандаж байгаа учраас Ерөнхий сайдад итгэл үзүүлэхийг дэмжиж байна.

УИХ-ын Төрийн байгуулалтын байнгын хорооны өнөөдрийн /2025.06.02/ хуралдаан эхлээд байна. Тус хуралдаанд нийт 20 гишүүн оролцож байна. Энэхүү хуралдаанаар Засгийн газраас өргөн мэдүүлсэн Ерөнхий сайдад итгэл үзүүлэх эсэх тухай тогтоолын төслийг хэлэлцэхийг гишүүдийн 18 нь дэмжлээ. Ерөнхий сайд Л.Оюун-Эрдэнэ хуралдаанд биечлэн оролцож байна. 

Ерөнхий сайд Л.Оюун-Эрдэнэ Засгийн газраас өргөн мэдүүлсэн Ерөнхий сайдад итгэл үзүүлэх эсэх тухай тогтоолын төслийн талаар танилцуулга хийлээ.

Тэрбээр “Та бид хамтдаа 2024 оны ээлжит сонгуулийг 126 гишүүнтэй, холимог тогтолцоотой анхны сонгуулийг хийсэн. Сонгогчдын саналыг гээхгүй байх, аль болох парламентын засаглал төгөлдөржиж байх Үндсэн хуулийн нэмэлт өөрчлөлт хийсэн.

Үндсэн хуульд нэмэлт, өөрчлөлт хийсэн гурван нам хамтарч Засгийн газар байгуулах нь зүйтэй гэж үзсэн.

Тухайн үед олонхийн санал авсан нам дангаараа яагаад Засгийн газраа байгуулдаггүй юм бэ гэдэг шүүмжлэлтэй олон асуудал байсан. Гацсан том төслүүд байна, зориг гаргаад шийдэл гаргая гэдэг агуулгаар хамтарсан Засгийн газрыг байгуулах нь зүйтэй гэж үзсэн.  Хамтарсан Засгийн газрын флатпорм бол Үндсэн хуулийн флатпорм.

Тийм учраас Үндсэн хуулийн нэмэлт өөрчлөлтийг хийх өдрөө хмтарч засаглах нь зүйтэй юм аа гэдэг энэ ерөнхий зарчим идеалогийг гаргасан гэдэг тайлбар хийж, хурдтай хөгжлийн төлөөх зориг хэмээх уриатайгаар хоёр намтай гэрээ байгуулж хамтарсан Засгийн газрыг байгуулсан.

Хамтарсан Засгийн газар байгуулагдан ажлаа эхэлснээс хойш 10 сарын хугацаа өнгөрч байна. Хөгжлийн 14 мега төслийг зарлаж, олон жил гацсан Эрдэнэбүрэнгийн усан цахилгаан станц, Ганцмод –Гашуусухайтын хил холболтын төмөр зам, Ораногийн хөрөнгө оруулалтын гэрээ, нийслэл дээр гацсан дэд бүтцийн томоохон асуудлыг шийдвэрлэх, бүсчилсэн хөгжлийн зорилтын хүрээнд томоохон зорилтыг дэвшүүлэх зэрэг бодлогын үр дүн энэ 10 сарын дотор гарсан нь бодитой. Хамтарсан Засгийн газарт ажиллаж байгаа журмын нөхөд, Ардчилсан нам, ХҮН намын удирдлагууддаа талархал илэрхийлэх нь зүйтэй. Цаг хугацаа өнгөрнө, энэ нь өөрөө түүх болж үдэнэ.

Үндэсний баялгийн сан зэрэг томоохон асуудлыг явуулахад асуудал үүссэн. Сүүлийн өдрүүдийн үйл явдал өрнөсөн. Чуулган дээр нээлттэй үг хэлнэ, нээлттэй асуулт, санал тавиасай гэж гишүүд та бүхнээсээ хүсэж байна. Идеалогийн зөрүүтэй, хамтарсан Засгийн газар явах уу үгүй юу, нийгмийн тулгамдсан асуудлаа шийдвэрлэж чадах уу гэдэг томоохон үр дагавар дагуулж байгаа томоохон шийдэл болно. 126 гишүүнтэй, шинэчилсэн парламентын бүрдүүлсэн анхны Засгийн газар туйлын хариуцлагатай хандаж, олон асуулт санал гарч, олон нийтийн дунд байгаа эргэлзээ, цаашдаа ямар замаар замнах вэ, тогтвортой засаглалыг хэрхэн хадгалж үлдэх вэ гэдэг нээлттэй мэтгэлцээн болоосой гэж хүсэж, Засгийн газраас дэвшүлэн тавьж байгаа хамтарсан Засгийн газрын гэрээнд сорилт тулгарч байгаа учраас өөрийн бүрэн эрхэд байгаа энэхүү асуудлыг хөндөх нь зүйтэй гэж үзсэн.

Тийм учраас бүх асуултад илэн далангуй чин сэтгэлээсээ хариулахад бэлэн байна.

Парламентын гишүүд та бүхэн нийт ард түмнээс сонгогдсон, нийтийн ашиг сонирхлын төлөө ажиллах тангараг өргөсөн хүмүүс. Парламентын мэтгэлцээнээр дамжуулж, Монголын ард түмэн та бүхнээр дамжуулж томоохон дүгнэлт, цаашид ажиллах Засгийн газарт шинэ жишиг болж үлдэх нь туйлын чухал юм гэж үзэж өөрт байгаа эрхээ эдэлж, Ерөнхий сайдад итгэл үзүүлэх эсэх тухай асуудлыг нээлттэй ярилцах нь зүйтэй гэж үзэн, УИХ-ын тогтоолын төслийг хүргүүлсэн” хэмээлээ.