Нийслэлийн Хан-Уул дүүргийн 15 дугаар хороо "Хоме плаза"-гийн зүүн талд “Мотоцикл хүн мөргөсөн” гэх дуудлагыг цагдаагийн байгууллагад өгчээ. Дуудлага мэдээллийн дагуу шалгахад 25 настай эрэгтэй нь хувийн эзэмшлийн мотоцикл жолоодож яваад явган зорчигчыг мөргөж гэмтээсэн байна. Тээврийн цагдаагийн албанаас энэ хэргийг шалгаж байна гэж мэдээллээ. Иймд иргэд жолооч та бүхэн замын хөдөлгөөнд оролцохдоо анхаарал болгоомжтой байж, давуу эрх бүхий явган зорчигчид гарцтай хэсгээр зам хөндлөн гарч байх үед нь зам тавьж өгч байхыг зөвлөж байна.