“When Life Gives You Tangerines” цувралын зураг авалтын үеэр олны хэсэгт тоглосон болон ахимаг насны жүжигчдийг үл тоомсорлосон, анхаарал сайн хандуулаагүй, зүй бус харьцсан гэх гомдлыг "Netflix" шалгаж байна. Компанийн төлөөлөгч Лхагва гаригт мэдээлэл өгөхдөө "Бид холбогдох баримтуудыг шалгаж байна. Бид илүү таатай ажиллах орчныг бүрдүүлэхийн тул Солонгос дахь түншүүдтэйгээ үргэлжлүүлэн хамтран ажиллаж байна. Ижил төстэй тохиолдлууд гарахаас урьдчилан сэргийлэхийн тулд нөхцөл байдлыг сайтар хянаж үзэх болно" гэжээ.

Жүжигчдийн гомдолд дурдсанаар өвлийн зураг авалтын үеэр тэдэнд хангалттай анхаарал хандуулаагүй, мөн хүчээр үсийг нь тайруулсан зэрэг зүйл байгаа аж. Гол дүрийн бус жүжигчдийг үл тоомсорлох замаар мөнгөө хэмнэж байсан гэдгийг мөн дурджээ.

"Тэд гол дүрийн жүжигчин бус хүмүүст мөнгө зарцуулахыг огт хүсээгүй. Өвлийн хүйтэнд өндөр настнуудыг өлөн хоосон, анхаарал халамжгүй орхисон. Ганц удаа ч болов аятайхан хоол цай өгөөгүй. Зүгээр л нэг рестораны ойролцоо аваачиж хаяад, 30 минутад амжиж идээрэй гэж хэлсэн" гэв. Хүйтэн байхад оройн хоолонд тэдэнд зөвхөн бургер, кола өгчээ.

Мөн өвлийн зураг авалттай үед жүжигчдэд дулаан хувцас олгоогүй нь яг л боолтой харьцаж байгаагаас ялгаагүй байсан аж.

Боловсон хүчний хомсдолоос болж жолоо барихаас өөр аргагүй болсон нэг ажилтны хэлснээр түүний цалинг өгөөгүй, зүй бус харьцсан байна. Киноны төсөв 60 тэрбум воныг бүхэлд нь алдартнуудад л зарцуулсан юм шиг санагдаж байгааг тэд хэлж байна.