Малайзын нийслэл Куала Лумпурт 46 дахь удаагийн "ASEAN"-ны дээд хэмжээний уулзалт болж буй. Уг арга хэмжээтэй давхцан "ASEAN" болон Персийн булангийн хамтын ажиллагааны зөвлөл "GCC", Хятадын хамтарсан гурван талт дээд хэмжээний уулзалт зохион байгуулагдаж байгаа билээ. Хятад улс зүүн өмнөд Азийн бүс нутгийн улс орнуудтай хамтын ажиллагаагаа өргөжүүлэх болсноор "CAFTA 3.0" гэх чөлөөт худалдааны бүсийн шинэ төслийг хэрэгжүүлэхэд хамтран ажиллах болсон.

Тэгвэл Саудын Араб, Оман, Кувейт, Бахрейн зэрэг "GCC" орны энгийн паспорт эзэмшигчдэд Бээжин энэ оны зургадугаар сарын 9-нөөс нэг жилийн хугацаатай Хятадад визгүй зорчих бодлого хэрэгжүүлэх болсон байна. Энэ тухай Хятадын Гадаад хэргийн яамны хэвлэлийн төлөөлөгч Мао Нин өнөөдөр (2025.05.28) мэдэгдэв.

Бусад "GCC" гишүүн орон болох Арабын нэгдсэн Эмират, Катар нь 2018 онд Хятадын визнээс чөлөөлөгдөж байжээ.