Хойд Солонгосын Аюулгүй байдлын сайд Ри Чан Дэ тэргүүтэй төлөөлөгчид аюулгүй байдлын асуудал хариуцдаг албан тушаалтнуудын олон улсын уулзалтад оролцохоор өнөөдөр /2025.05.27/ ОХУ-ыг зорьжээ. Энэ нь аюулгүй байдлын албан тушаалтнуудын 13 дахь удаагийн уулзалт юм. Тавдугаар сарын 28-29-ний өдрүүдэд зохион байгуулагдах улзалтад Хойд Солонгосоос гадна Иран, Энэтхэг зэрэг улсаас төлөөлөгчид оролцоно.

Ри Чан Дэ айлчлалын хүрээнд ОХУ-ын Аюулгүйн зөвлөлийн нарийн бичиг Сергей Шойгутай уулзах төлөвтэй байна.

Ри, Шойгу нарын уулзалт нь Хойд Солонгосын цэргүүд Украинд тулалдсан гэх мэдээлэл албажин баталгаажсанаас хойших талуудын анхны уулзалт болно. Мэргэжилтнүүдийн таамаглаж буйгаар тэд Хойд Солонгосын цэргүүд цаашид хэрхэхийг, мөн тулааны үеэр амиа алдсан, барьцаалагдсан цэргүүдийн асуудлыг хэлэлцэнэ.

Дашрамд дурдахад, ОХУ-ын Дотоод хэргийн дэд сайд тэргүүтэй засгийн газрын зарим төлөөлөгч Даваа гаригт Пёньянд ирсэн гэх мэдээлэл байна. Тэднийг Хойд Солонгосын Нийтийн аюулгүй байдлын дэд сайд болон Пёньян дахь Орсоын Элчин сайд нар нисэх буудлаас угтан авчээ.