Дэлхийн алдарт букмекер "1xBet" хөлбөмбөгийн түүхийг өөрчилсөн домогт техник, хууралтуудын талаарх тоймыг бэлтгэлээ.

МЭТЬЮЗЫН ЭРГЭЛТ (MATTHEWS TURN)

Английн хөлбөмбөгчин Сэр Стэнли Мэтьюз зөвхөн анхны Ballon d’Or-ын эзэн гэдгээрээ биш, харин хожмын олон хууралтын техникийн үндэс болсон арга барилаараа хөлбөмбөгийн түүхэнд бичигджээ. Жигүүрийн тоглогч байсан тэрээр шугам дагуу зай гаргах үүрэгтэй. Тиймээс дараах хууралтыг ашиглаж эхэлсэн байна:

• Баруун хөлнийхөө дотор талаар бөмбөгийг зүүн тийш өнхрүүлж,
• Дараа нь баруун хөлнийхөө гадна талаар хурдан хөдөлгөөнөөр баруун тийш түлхэж,
• Эхний хөдөлгөөнийг дагасан хамгаалагч зайлшгүй эсрэг чиглэлд хөдөлсөн Мэтьюзийн ард хоцордог байв.

ПУШКАШИЙН ХУУРАЛТ (PUSKÁS TRICK)

1953 оны 11-р сарын 25-нд Англи улс бодит байдалтай нүүр тулжээ. Дэлхийн аваргад Испани, АНУ-д ялагдан бүдэрсэн ч тэд гэртээ Европ тивийн аль ч багт хожигдож байгаагүй. Гэтэл Унгарын шигшээ түүхийг өөрчилсөн юм.

Тэр тоглолтод хамгийн дурсамжтай хууралтыг Ференц Пушкаш үзүүлсэн. Торгуулийн талбайн булангийн ойролцоо дамжуулалт хүлээн аваад, Английн ахлагч Билли Райтыг аргалж дөнгөжээ. Райт Пушкаш шугам руу чиглэнэ гэж бодон гулсан унахад, Пушкаш хөлийн өсгийгөөр бөмбөгийг хойшлуулан татаж, тогтоож аваад ойрын буланд гоол оруулсан юм.

РОБЕРТО РИВЕЛЛИНО БА “ЭЛАСТИКО” (ELASTICO)

Энэхүү хууралт XXI зуунд Роналдиньогийн ачаар дэлхий даяар алдаршсан ч, анх үүнийг 1970-аад онд Бразилын домогт тоглогч Роберто Ривеллино ашиглаж байв.

Эластико хууралт гэдэг нь:

• Эхлээд эсрэг тоглогчид нэг чиглэлд хөдөлж буй мэт сэтгэгдэл төрүүлж,
• Гэнэт эсрэг чиглэл рүү эрчтэй гүйх гэсэн утгатай.

Энэ нь ердөө хагас секундын дотор нэг хөлний хөдөлгөөн, биеийн тэнцвэр болон жингийн шилжилтийг хослуулан гүйцэтгэх шаардлагатай тул өндөр техниктэй тоглогч л хийж чадна. Орчин үед энэ хууралтыг хаалганы ойролцоо, бараг зогссон байрлалаас хийх нь түгээмэл. Харин Ривеллино төвийн шугамын дунд гүйж явахдаа хүртэл гүйцэтгэж чаддаг байсан.

МАРАДОНА БОЛОН ЗИДАНЫ ЭРГЭЛТ

Аргентины домогт Диего Марадона өндөр хурдаар 360 градус эргэхдээ зүүн хөлөөрөө бөмбөгөө хойш татаж, дараа нь баруун хөлөөрөө хамгаалагчийг тойрон урдаа гаргадаг байв.

Харин Зинедин Зидан уг хууралтыг өөрийн хэв маягаар баяжуулсан. Тэрбээр хоёр чиглэлд эргэх чадвартай байсан ба бүр зогссон байрлалд ч хамгаалагчийг хуурах чадвартай байв. Зидан өөрөө Марадонагийн техник илүү байсан хэмээн хүлээн зөвшөөрч байлаа.

ОКОЧАГИЙН “STEP-OVER” ХУУРАЛТ

Нигерийн Жэй-Жэй Окоча уран тоглолтоороо бразил тоглогчдыг санагдуулдаг байв. Түүний "rainbow" буюу солонго татуулах мэт араараа хөөргөдөг техник алдартай.

1. Баруун хөлний улаараа бөмбөгийг зүүн тийш өнхрүүлнэ
2. Зүүн хөлөөр дохиж, дахин зүүн тийш бөмбөгөө тууна
3. Дараа нь баруун хөлний гадраараа бөмбөгийг тогтоож, аван зүүн тийш хурдаа авдаг байв

Хөлбөмбөгийн хамгийн сэтгэл хөдөлгөм мөчүүдийг 1xBet Монголоос хамтдаа мэдрээрэй.