3,573.76
Өмнөговь аймгийн Манлай сумын харьяат, Монгол Улсын хүчит арслан Гомбо-Аюушийн Дэмүүлийн нэрэмжит Улс, аймаг, цэргийн цолтой хүчит 128 бөхийн барилдаан өчигдөр/2025.05.25/ Бөхийн өргөөнд боллоо.
Тус барилдаан Ховд аймгийн Зэрэг сумын харьяат, улсын заан Баярхүүгийн Бат-Өлзий түрүүлж, Сэлэнгэ аймгийн Цагааннуур сумын харьяат, улсын арслан Баярсайханы Орхонбаяр үзүүрлэв. Харин дөрөвт Өвөрхангай аймгийн Төгрөг сумын харьяат, улсын арслан Ц.Бямба-Отгон, Баян-Өлгий аймгийн Улаанхус сумын харьяат, улсын заан Б.Серик нар шалгарлаа.
Бямба гаригт болсон Баянхонгор аймгийн Баацагаан сумын харьяат, Монгол Улсын начин, бөхийн чөлөөт барилдааны ОУХМ Агвааны Норовын нэрэмжит барилдаанд мөн улсын заан Б.Бат-Өлзий түрүүлсэн билээ.
Тэгвэл наймд улсын харцага Г.Бадрах, улсын харцага Э.Даш, улсын начин Д.Амарсайхан, аймгийн хурц арслан Н.Амгаланбаатар нар үлдэв. Тус барилдааны түрүү бөх 10 сая, үзүүр бөх 5 сая, дөрөвт үлдсэн бөхчүүд тус бүр 3 сая төгрөгийн бай шагнал гардсан юм.
Энэ долоо хоногт дараах барилдаанууд болно.
- 05.27-ны мягмар гарагт 09:00 цагаас "ИРЭЭДҮЙН АВАРГУУД" өсвөр үеийн үндэсний бөхийн барилдаан,
- 05.30-ны баасан гарагт 14:00 цагаас Нийслэлийн аварга шалгаруулах 3*3 багийн барилдаан /шигшээ/
- 05.31-ний бямба гарагт 14:00 цагаас Нийслэлийн аварга шалгаруулах 3*3 багийн барилдаан /шигшээ/ тус тус болно.
Зочин 2025-05-26 202.9.47.62
Заан минь наадам дөхөж байна. Бэлтгэл чинь цөмөрчих вий, болгоомжтой…бай. Тэр өдрүүдэд л онцгой байх хэрэгтэй.
Нэргүй 2025-05-26 202.126.89.43
махан барилдаантай бөх, уран мэхийг уралдуулах хэрэгтэй
Зочин 2025-05-26 66.181.166.196
Хаха, допингных нь дозны тохиргоо ид сайхан таарчихсан яваа юм байна даа, наадам гэхэд бас нэг янз болчихгүй бол яах вэ дээ, арслан болчих санаатай янз бүрээр л үзэж байна даа энэ, зөвхөн өөртөө зориулж хууль хүргэл санаачлуулж байна ш дээ, бас л том гар байна шүү, кк
Зочин 2025-05-26 202.131.230.163
Баяр хүргэе. Мундаг шүү. Улсын арслан цол авварай.