Ерөнхий сайд Ли Цян Индонезийн ерөнхийлөгч Прабово Субиантогийн урилгаар тавдугаар сарын 24-26-нд Индонезид албан ёсны айлчлал хийж байна гэж Хятадын Гадаад хэргийн яам мэдэгдэв. Ли Цян мөн "ASEAN"-ын ээлжит дарга, Малайзын ерөнхий сайд Анвар Ибрахимын урилгаар тавдугаар сарын 26-28-ны өдрүүдэд Куала Лумпурт болох "ASEAN"-ын Персийн булангийн хамтын ажиллагааны зөвлөл (GCC) болон Хятадын хамтарсан дээд хэмжээний уулзалтад оролцоно гэж тус яам мэдэгдэв.

Индонез дэх айлчлалынхаа хүрээнд хөгжиж буй томоохон орнууд болон дэлхийн өмнөд хэсгийн чухал гүрнүүд Бандунгийн үзэл санааг цаашид ахиулж, эв нэгдлээ бэхжүүлж, жинхэнэ олон талт үзлийн практикийг ахиулах ёстой гэж  ерөнхий сайд Ли Цян мэдэгджээ.

Гадаад хэргийн яамны хэвлэлийн төлөөлөгч Мао Нин өдөр тутмын хэвлэлийн бага хурал дээр хэлэхдээ, 75 жилийн түүхтэй Хятад, Индонезийн харилцаа тасралтгүй хөгжиж, бодит хамтын ажиллагааны үр дүнд хүрсэн гэжээ.  Өнгөрсөн онд хоёр орны төрийн тэргүүн нар бүс нутаг, дэлхийд нөлөө бүхий Хятад Индонезийн хамтын нийгэмлэгийг байгуулж, хоёр орны харилцааг шинэ шатанд гаргах талаар хэлэлцэж байсан юм. Мао Нин хэлэхдээ, "Хятад улс Индонезитой уламжлалт найрамдалт харилцаагаа ахиулж, эв санааны нэгдэл, хамтын ажиллагаагаа гүнзгийрүүлж, улс төр, эдийн засаг, ард түмэн, соёлын солилцоо, тэнгисийн хэрэг, аюулгүй байдал зэрэг таван тулгуурт хамтын ажиллагаагаа тасралтгүй бэхжүүлэхийг хүсэж байна" гэжээ.

Анх удаа зохион байгуулагдаж буй "ASEAN"-ын Персийн булангийн хамтын ажиллагааны зөвлөл болон Хятадын хамтарсан дээд хэмжээний уулзалтын үеэр Мао хэлэхдээ, "Эвслийн гишүүн орнууд бол Азийн хөгжиж буй эдийн засаг, дэлхийн өмнөд бүсийн чухал гишүүн, Бүс ба Зам хамтын ажиллагааны чухал түншүүд юм. Олон улсын болон бүс нутгийн өнөөгийн нөхцөл байдалд гурван тал эв санааны нэгдэл, хөгжил цэцэглэлтийн төлөвлөгөөг хэлэлцэж, бүс нутгуудад харилцан ашигтай хамтын ажиллагааг ахиулах нь чухал ач холбогдолтой юм" гэжээ.