Мэргэжлийн сүмогийн Нацү башё Токио хотноо үргэлжилж байна. Башёгийн 12 дахь өдрийн барилдаанууд өчигдөр/2024.05.22/ боллоо. Одоогоор озэки Оносато ганц ч унаагүй итгэл төгс 12 даваатай башёг тэргүүлж буй. Өдгөө 24 настай түүний хувьд өчигдөр Хакүохог ялж, түрүүлэхэд тун ойртов. Тэрбээр энэ удаагийн башёд түрүүлвэл ёкозүна цол хүртэх учиртай. Тиймээс ч өөрийгөө дайчилж, барилдаан бүртээ төвлөрч байна.

Өнөөдөр Оносато озэки Котозакүраг давбал түрүүлэх болзлоо хангана.

Харин ёкозүна Хошорюү С.Бямбасүрэн 12 дахь өдөр сэкивакэ Кирибаяама Б.Лхагвасүрэнд ялагдлаа. Ингэснээр Хошорюү, Кирибаяама хоёр хоёулаа есөн даваа, гурван унаатай болжээ.

Сүүлд гарсан мэдээллээр ёкозүна Хошорюү С.Бямбасүрэн Япон улсын иргэн болохоор хөөцөлдөж байгаа гэнэ. Хэрэв тус улсын иргэн болвол зодог тайлсан хойно өөрийн дэвжээтэй болох билээ.

Бусад монгол бөхчүүдийн тухайд Ошома П.Дэлгэрбаяр качикоши хийсэн бол Тамаваши Б.Мөнх-Оргил, Чиёошома Г.Мөнхсайхан, Тамашохо Э.Энхманлай нар дөрвөн даваа, найман унаатай явна.