ОХУ-ын шүүх АНУ-ын технологийн "Apple" компанийг 93.5 мянган ам.доллараар торгох шийдвэр гаргасан байна. Москвагийн шүүхийн хэвлэлийг алба Даваа гаригт (2025.05.19) мэдэгдэхдээ, тус компани нь Оросын ЛГБТ суртал ухуулгын дүрмийг гурван удаа зөрчсөн гэжээ. Тус улс 2023 оноос эхлэн уламжлалт бус бэлгийн харилцааг хүлээн зөвшөөрүүлэх, сурталчлах зэргийг хязгаарлаж эхэлсэн. Энэ нь барууны орнуудын ёс суртахууны доройтол гэж Оросын ерөнхийлөгч Владимир Путин харуулахыг зорьсонтой холбоотой юм.

Москва хотын Таганскийн дүүргийн шүүх "Apple Distribution International Ltd"-ийг гурван захиргааны зөрчилд буруутай гэж үзэн тус бүрд нь 31 мянган ам.доллар ногдуулах болжээ.

"Apple" компанийн зүгээс одоогийн байдлаар ямар нэгэн хариу мэдэгдэл хийгээгүй байна. Гэхдээ тус компанийн төлөөлөгчид шүүх хурлыг шүүх хурлыг хаалттай явуулахыг хүссэн гэж "Mediazona" агентлаг өмнө нь мэдээлсэн байжээ. Орос улс олон улсын ЛГБТ хөдөлгөөнийг хэт даврагч, дэмжигчдийг нь алан хядагч гэж тодорхойлсон байдаг. Ингэснээр ЛГБТК+ хүн болон тэдний өмгөөлөгчдийн эсрэг ноцтой эрүүгийн хэрэг хялбараар үүсэх эрсдэлтэй болсон байна. Мөн "ЛГБТ суртал ухуулга" гэх хуулийг зөрчсөн гэх ямар ч хувь хүн, албан байгууллагат Оросын шүүхүүд торгууль ногдуулж эхэлсэн байна.