Ерөнхий сайд өчигдөр /2025.05.19/ УИХ дахь Монгол Ардын намын бүлгийн хуралд оролцож, МАН-ын Удирдах зөвлөл болон Бага хурлыг хуралдуулж, улс төрийн нөхцөл байдлыг тал талаас нь ярилцах нь зүйтэй гэсэн байр суурийг илэрхийлсэн талаар бид мэдээлсэн. Тус бүлгийн хуралдааны дараа Ерөнхийлөгч У.Хүрэлсүх, Ерөнхий сайд Л.Оюун-Эрдэнэ нарын төрийн өндөрлөгүүд олон цаг хуралдаж, хамтарсан Засгийн газар огцрох эсэх талаар хэлэлцжээ.

Улмаар МАН-ын VI Бага хурлыг маргааш буюу тавдугаар сарын 21-ний 15:00 цагт хуралдуулахаар товлоод байна.

Товчхондоо энэ удаагийн Бага хурлаар хамтарсан засаг цаашид байх эсэх асуудлыг хэлэлцэнэ. Ерөнхийлөгчийн зүгээс Ерөнхий сайд Л.Оюун-Эрдэнийг огцрох өргөдлөө өгөхийг шаардсан гэх албан бус мэдээлэл цацагдсан.

ПРОГНОЗ: БАГА ХУРАЛ ХАМТАРСАН ЗАСГИЙГ ДЭМЖИХГҮЙ!

УИХ-ын 2024 оны ээлжит сонгуулийн үр дүнд МАН олонх болж, Ерөнхий сайдаар Л.Оюун-Эрдэнийг улираан томилсон. Тийнхүү Монгол Улсын Ерөнхий сайд Л.Оюун-Эрдэнэ УИХ-д суудалтай Ардчилсан нам, ХҮН намтай  хамтарсан Засгийн газар байгуулах санал тавьсны дагуу Засгийн газрын бүтэц, бүрэлдэхүүн, сайд нараа Ерөнхийлөгчтэй зөвшилцөж, УИХ-д тангараг өргүүлснээр хамтарсан Засгийн газар албан ёсоор бүрэн эрхийн хугацаа нь эхэлсэн билээ.

Хамтарсан Засгийн газрын бүрэн эрхийн хугацаа эхлээд аль хэдийнэ 10 сарын хугацаа өнгөрөв.

Амь, хувьсгал, намын ажлаа сүүлд эрэмбэлж, ардчилал, улс орны хөгжилд хамаарах олон жил гацсан мега төсөл хөтөлбөрүүд дээр ам, гар нэгтэй байхаар тохиролцсон хамтарсан Засгийн газрын нас богино байх уу гэдгийг МАН-ын Бага хурлын 300 гаруй гишүүд шийдэх нь.

Учир нь олон цагийн уулзалтын эцэст МАН-ын бага хурлыг яаралтай хуралдуулах бөгөөд харин МАН дотор аль эртнээс ххмтарсан засгийг дэмжээгүй, дангаараа эрх барих ёстой гэсэн бодолтой гишүүд олон бий.

Сураг ажиг тавьж, суудал сэнтийд сонирхолтой байгаа гишүүд ч үүнийг овжин ашиглах нь гарцаагүй. Хүний олон хүнээ барихгүй гэдэг ч хамтарсан засагт олонхийн эрх ашиг эхний дугаарт эрэмбэлэгдэнэ.

ЕРӨНХИЙ САЙД, МАН-ЫН САЙД НАР БУУРИА САХИЖ, АН, ХҮН ЯВАХ УУ?

Шинээр бүрдсэн анхны 126 гишүүнтэй парламент болон шинээр байгуулагдсан Засгийн газрын гишүүд ёс зүй, сахилга бат, хариуцлагатай ажиллахыг ард иргэд хүлээж байгааг хамтарсан засаг байгуулагдах үеэр Монгол Улсын Ерөнхийлөгч онцолж байсан.

Хамтарсан Засгийн газар огцорвол үнэмлэхүй олонх болсон нам дангаар засаглана. Ингэснээр Засгийн газрын тэргүүнээр  Л.Оюун-Эрдэнэ хэвээр үлдэж, МАН-ын одоогийн засагт буй сайд нар хэвээр үлдээж, хамтарлаас гарч байгаа сайдуудын оронд харин нам дотроосоо томилгоо хийх хувилбарыг Ерөнхий сайдын зүгээс санал болгож байгаа гэх. Гэхдээ Бага хурлын гишүүд түүнийг хэвээр үлдээх эсэх нь эргэлзээтэй.

МАН-ын сайд нар:

• Ерөнхий сайд Л.Оюун-Эрдэнэ
• Монгол Улсын Шадар сайд С.Амарсайхан
• Зам тээврийн сайд Б.Дэлгэрсайхан
• Соёл, спорт, аялал жуулчлал, залуучуудын сайд Ч.Номин
• Гадаад харилцааны сайд Б.Батцэцэг
• Сангийн сайд Б.Жавхлан
• Эрчим хүчний сайд Б.Чойжилсүрэн
• Батлан хамгаалахын сайд С.Бямбацогт
• Гэр бүл, хөдөлмөр, нийгмийн хамгааллын сайд  Л.Энх-Амгалан
• Засгийн газрын Хэрэг эрхлэх газрын дарга Н.Учрал
• Хүнс, хөдөө аж ахуй хөнгөн үйлдвэрийн сайд Ж.Энхбаяр
• Монгол Улсын сайд, Боомтын сэргэлтийн Үндэсний хорооны дарга  Б.Тулга
• Эрүүл мэндийн сайдаар Т.Мөнхсайхан нар бууриа сахиж үлдэх магадлалтай.

Харин хамтарсан засагт АН, ХҮН-ээс дараах сайд нар бий.

• Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр-АН
• Монгол Улсын сайд, Хяналт үнэлгээний үндэсний хорооны дарга Э.Одбаяр-АН
• Монгол Улсын сайд, 20 минутын хот төслийн Үндэсний хорооны дарга Р.Эрдэнэбүрэн-АН
• Аж үйлдвэр Эрдэс баялгийн сайд Ц.Туваан-АН
• Хот байгуулалт, барилга, орон сууцжуулалтын сайд Ж.Батсуурь-АН
• Хууль зүй, дотоод хэргийн сайд О.Алтангэрэл-АН
• Байгаль орчин, уур амьсгалын өөрчлөлтийн сайд С.Одонтуяа-АН
• Цахим хөгжил, инноваци, харилцаа холбооны сайд Ц.Баатархүү-АН
• Шадар сайд Т.ДОРЖХАНД /Худалдан авах, хөрөнгө оруулалт хариуцсан/-ХҮН нам
• Боловсролын яам П.Наранбаяр-ХҮН нам

Ийнхүү МАН Бага хурал хамтарсан засаг үлдэх үү явах уу гэдэг шийдвэрийг эцэслэх нь ээ.