"Nissan Motors" компани Япон дахь оффисын ажилчдадаа эрт тэтгэвэрт гарахыг санал болгож байна. Энэхүү алхам нь ажиллах хүчээ 20 мянгаар бууруулах төлөвлөгөөний нэг хэсэн юм. Өнгөрсөн хугацаанд байгууллагын дотоод санхүүгийн асуудал хүндэрсэн тул автомашин үйлдвэрлэгч "Nissan Motors" бизнесийнхээ бүтцийг өөрчлөх эрс төлөвлөгөө гаргасан. Тус компани 2027 он гэхэд ажиллах хүчээ цомхотгохын зэрэгцээ бусад улс дахь долоон үйлдвэрээ хаахаар төлөвлөж байна. Эхний ээлжид 3600 ажилтныг цомхотгохоор төлөвлөжээ.  Японы хэвлэл мэдээллээр "Nissan Motors" компани долдугаар сараас эхлэн таваас дээш жил тасралтгүй ажилласан 45-64 насны хүмүүсийг тэтгэвэрт гаргах төлөвлөгөөг хэрэгжүүлнэ. Энэ хүрээнд тэтгэвэрт гарахад нэмэлт мөнгө олгох бөгөөд өөр ажилд ороход нь дэмжлэг үзүүлэх аж. Мөн Токиогийн өмнөд хэсэгт орших Канагава мужид байрлах "Nissan" компанийн дотоодын хоёр үйлдвэрлэлийн байгууламжаа хаах болсон байна. Гэсэн хэдий ч тус компани хэт их үйлдвэрлэлийн хүчин чадлыг хурдан бууруулж, ажиллах хүчээ нягталж үзэх замаар бизнесээ сэргээнэ гэдэгт ажиглагчид найдаж буйгаа илэрхийлсэн байна.