ОХУ-ын нийслэл Москва хотноо даваа гаригт эхэлсэн бөхийн чөлөөт барилдааны насанд хүрэгчдийн дэлхийн аварга шалгаруулах тэмцээн гурав дахь өдрөө үргэлжилж байна. Тус тэмцээнд манай улсаас чөлөөт бөхийн эрэгтэй, эмэгтэй тус бүр долоон жинд бүрэн бүрэлдэхүүнээрээ оролцохоор Москваг зорьсон юм. Тэмцээний хуваарийн дагуу эхний хоёр өдөр сонгомол бөхийн барилдаан болж, аваргууд тодорсон бөгөөд өнөөдрөөс чөлөөт бөхийн эмэгтэйчүүдийн хөнгөн жингийн барилдаан эхэлж байна. Харин манай баг тамирчдын салхийг хагалж, эмэгтэйчүүдийн 48 кг-д Ц.Энхжаргал, 51 кг-д Д.Отгонцэцэг нар дэлхийн аваргын дэвжээнд зодоглох юм.

Хэсгийн барилдаан Монголын цагаар 17.00 цагаас эхэлнэ. Ц.Энхжаргалын тухайд эхний барилдаанаа Грекийн бөх Фани Псатхатай хийх бол Д.Отгонцэцэг Румыны тамирчин Естара Добретай барилдахаар сугалаа таарсан байна.

С.Цэлмэг