Монгол уулчид дэлхийн дээврийг эзэлсэн өдөр

Эверестийн оргил 8848 м д.т.д өндөрт хүчилтөрөгч, шерпа нарын тусламжгүй авиралтаа хийхээр зорьсон уулчин талийгаач Ц.Өсөхжаргал, Л.Пүрэвсүрэн нар нэг жилийн өмнө зорьсон зорилгодоо хүрч, дэлхийн дээвэрт хөтөчгүй гарсан анхны монгол уулчид болсон юм.

Тухайн үед уулчин Ц.Өсөхжаргал, Л.Пүрэвсүрэн, Д.Отгонхүү нар Эверестийн оргилд нэмэлт хүчилтөрөгчгүй, шерпагийн тусламжгүй гарахаар зорилго тавьсан ч уулчин Д.Отгонхүүгийн биеийн байдал муудсан тул үндсэн кэмптээ эргэн ирсэн байдаг.

Харин авиралтаа цааш үргэлжлүүлсэн уулчин Л.Пүрэвсүрэн, Ц.Өсөхжаргал нар сураггүй болж, тэднийг эрэн хайх ажиллагааг 2024 оны тавдугаар сарын 13-нд эхлүүлсэн. Харамсалтай нь эрлийн баг хоёр уулчны цогцсыг олсон юм. Тэгвэл уулчид зорьсон зорилгодоо хүрч Эверестийн оргилд гарч чадсан ч буух явцдаа амь эрсдсэн байх магадлалтай гэдгийг албаныхан мэдээлж байв. Тэд хүсэл мөрөөдлөө биелүүлж, Монголын мянга мянган иргэн, уулын спортоор хичээллэдэг хүмүүс бахархал болж чадсан юм.

Эверестийн оргилд гарах зөвшөөрлийг хүссэн бүхэнд олгохгүй больсон. Тодруулбал, Гималайн уулсын 7000 метрээс дээш өндөрт байх аль нэг ууланд авирсан хүнд л Эверестийн зөвшөөрлийг олгож байхаар Балба улс шийдвэрлэсэн талаар өмнө нь мэдээлсэн. Энэ нь хэт ачааллыг багасгаж, аюулгүй байдлыг сайжруулах зорилготой шинэ хуулийн төслийн хүрээнд хийж буй ажил бөгөөд шинэ хуулийн төслийн дагуу уулчдыг дагуулж яваа хөтөч нь заавал балба хүн байх ёстой болсон юм.

Замбараагүй зөвшөөрлийн улмаас оргилын доод хэсгийн "Үхлийн бүс" гэх газарт авирагчдын урт дараалал үүсдэг. "Үхлийн бүс"-д хүчилтөрөгчийн хэмжээ хангалтгүй байдаг учир амьдралын төлөөх тэмцэл тэнд өрнөдөг.

Өнгөрсөн 2023 онд Балба улс 478 зөвшөөрөл олгожээ. Гэвч үүний ард 12 хүн нас барсан, таван хүн сураггүй болсон гэх харамсалтай тоо бий. Өнгөрсөн жилийн тухайд найман хүн Эверестэд амиа алджээ.

5 сэтгэгдэл

Хариулахаа болих

SHD 21 9 цагийн өмнө 202.9.40.2

Ямар юмаа хийж уул руу авирдаг бнаа. Хэнд хэрэгтэй юм бол…. ойлгохгүй юм

Хариулах

Эзлээд байхдаа ч яахав дээ 2025-05-13 157.15.7.113

Эзлээд байхдаа ч яахав дээ, жаахан утга учиртай бичмээр юм. Оргилд гарлаа л гэнэ биз дээ. Жаахан даруухан байвал яасан юм бэ? Байлдан дагууллаа, эзэллээ энэ тэр гээд л.