УЕФА Аваргуудын лигийн 2024-2025 оны улирлын финалд тоглох хоёр багийн нэр бүрэн тодорлоо. Орон нуггийн цагаар өчигдөр/2025.05.07/ Парис хотноо талбайн эзэн ПСЖ болон Английн Арсенал багууд нэгийгээ үзэв. Эхний тоглолт Лондон хотод болоход ПСЖ 1-0 гэсэн харьцаатай хожсон билээ.

Тоглолтын онцлох үйл явдлууд

• 4′: Доннарумма Мартинеллигийн цохилтыг хаав
• 8′: Одегар аюул тарив
• 17′: Кварацхелияагийн цохилт шон онов
• 27′: Фабиан Руйз эхний гоолыг оруулав
• 64′: Сакагийн цохилтыг хаав
• 69′: Райа Витиньагийн торгуулийг цохилтыг хаав
• 72′: Хакими багийнхаа тэргүүллийг баталгаажуулав
• 76′: Сака багтаа найдвар бэлэглэв

Хэдий Арсенал талбайдаа хожигдсон ч бүх зүйл дуусаагүй байсан. ПСЖ-ийг талбайд нь дор хаяж ганц гоолоор л хожиход л хангалттай байлаа. Дархан аварга Реал Мадридыг сөхрүүлсэн тэдэнд ПСЖ-ийг талбайд нь буулган авна гэдэг биелэгдэшгүй даалгавар биш. Гэвч тэд чадсангүй.

ПСЖ-ийн итали хаалгач Жианлуижи Доннарумма хаалгандаа гоол алдах дургүй байв. Арсенал тоглолтын эхнээс л даалгавраа ойлгож, гоол хийх гэж улайрсан. Харамсалтай нь Доннарумма дийлдсэнгүй. Нөгөө талд эхний тоглолтын гол баатар Усман Дембеле бэртлийн улмаас энэ тоглолтыг сэлгээнээс эхлүүлсэн. Энэ утгаараа ПСЖ-ийн довтолгоог суларлаа гэж санасан ч үгүй байжээ. Фабиан Руйз тоглолтын эхний гоолыг оруулав.

ПСЖ-ийн дундын шугамын гурвал болох Жоао Невеш, Витиньа, Фабин Руйз нар энэ улирал үнэхээр гайхалтай байгаа.

72 дахь минутад Ашраф Хакими эцсийн цэгийг тавьж, Арсеналын цом хүртэх мөрөөдлийг үгүй хийлээ. Түүний гоолоос удалгүй Сака санасандаа хүрсэн ч хэтэрхий оройтсон байв. Тоглолт ПСЖ-ийн ялалтаар өндөрлөж, Месси, Мбаппе, Неймарын эрин үед бүтээж байгаагүй даалгавраа Энрикегийн залуус хийж, финалд хүрч чадлаа.

Дээрх тоглолтын шилдгээр Ашраф Хакими тодорчээ.

Тоглолтын дараа Арсеналын дасгалжуулагч Микель Артета:

-Багаа Европын шилдэг багуудын нэгийг эсрэг ингэж тоглохыг харахад бахархал төрлөө. Парист хийсэн тоглолт маань гайхалтай байлаа. Хэрэв бид хожихыг хүссэн бол тэр хаалгыг онгойлгохын тулд юу хийх ёстой байсан юм бэ? Зарим үед эсрэг багтаа баяр хүргэх хэрэгтэй.

ПСЖ-ийн дасгалжуулагч Луйс Энрике:

-Бидний хичээл зүтгэл, хүсэл зориг энэ тоглолтыг уйдаагаагүй гэж бодож байна. Арсенал энд ялах гэж ирсэн Үүнийгээ ч эхний хагаст хангалттай харуулж, тоглолтыг өөрсдийнхөө талд эргүүлж байлаа. Тэд бөмбөгтэй, бөмбөггүй үед маш сайн тоглож, биднийг зовоож чадлаа. Тэд асуудал тарилаа.

Тавдугаар сарын 31-ний өдөр Германы Мюнхен хотноо Интер Милан болон ПСЖ багууд финалд тоглоно.