Герман улсын Франкфурт хотноо гурван жилд нэг удаа зохион байгуулдаг мах, махан бүтээгдэхүүний техник технологи, чанар стандартын "IFFA-2025" Олон улсын үзэсгэлэнд “Очирдагинас” ХХК нь амжилттай оролцож байна.

Нэр хүнд, чанар чансаагаараа махны олимп хэмээн үнэлэгддэг энэхүү үзэсгэлэнд “Очирдагинас” ХХК нь Монгол Улсаа төлөөлөн 10 бүтээгдэхүүнээрээ өрсөлдөж, өнөөдрийн байдлаар есөн алтан медаль хүртэж, олон улсын стандартад нийцсэн чанараа батлан харуулж чадлаа.

Найм болон түүнээс дээш алтан медаль хүртсэн оролцогчдод "Герман улсын Мах махан бүтээгдэхүүн үйлдвэрлэгчдийн холбоо"-оос олгодог “Хүндэтгэлийн цом”-ыг гардуулсан бөгөөд “Очирдагинас” ХХК энэхүү эрхэм шагналыг хүртэж чадлаа.

Бүтээгдэхүүн бүрийг амт, бүтэц, гадаад төрх, боловсруулалтын технологи, аюулгүй байдал зэрэг олон шалгуураар нарийн мэргэжлийн шүүгчид шалгаруулалтыг явуулдаг бөгөөд энэ нь махны салбарын “Олимп” гэгддэг IFFA-гийн гол онцлох үйл явдлуудын нэг юм.

Дэлхийн өнцөг булан бүрээс шилдэг үйлдвэрлэгчид өрсөлддөг энэхүү чанарын уралдаанд Монгол амт, Монгол чанар дахин өндөрт үнэлэгдэж байна. Түүхэн амжилт,

• IFFA-2016 үзэсгэлэнд анх удаа таван бүтээгдэхүүнээр оролцож нэг алт, гурван мөнгө, нэг хүрэл медаль хүртэж байсан.
• IFFA-2025 үзэсгэлэнд 10 бүтээгдэхүүнээр өрсөлдөж есөн алтан медаль хүртэж, Монгол амтыг дэлхий дахинд тунхаглан зарлалаа.

#IFFA2025 #Очирдагинас #МонголАмт #МонголЧанар #АмтБаАмжилтын20Жил #GoldenMedal #MongolianPride #MeatOlympics #FoodExcellence