ОБЕГ: Галыг 17:23 цагт бүрэн унтраасан. Шалтгааныг тодруулахаар ажиллаж байна.

Төв цэнгэлдэх орчимд орон сууцны хороололд гал гарч, их хэмжээний хар утаа гарч байна. Онцгой байдлын ерөнхий газраас энэ талаар тодрууллаа.

ОБЕГ-аас өгсөн мэдээлээр, Хан-Уул дүүргийн 17 дугаар хороо Удирдлагын академийн хойно гал гарч байна гэсэн дуудлагын дагуу тус дүүргийн Гал түймэр унтраах, аврах 14 дүгээр анги гарсан. Одоогоор шалтгаан тодорхойгүй байна гэлээ.

Тодруулбал, Хан-Уул дүүргийн 17 дугаар хорооны “Задгай”-д гал гарч байна гэсэн дуудлага өнөөдөр /2025. 05.06/ 16:40 цагт ирсэн байна. Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчдыг очиход шинээр баригдаж байгаа барилгын нэг давхарт хөөсөнцөр шатаж байсан.

Алба хаагчид галын тархалтыг 16:55 цагт зогсоож, бүрэн унтраахаар ажиллаж байна гэв.