Японы Сайтама мужид нэгдүгээр сарын 28-ны өдөр гэнэт газар цөмөрч, ачааны машины жолооч, 74 настай эрэгтэй нүхэнд унасан. Жолоочийг эрэн хайх ажиллагааг 10 гаруй хоног үргэлжлүүлсний эцэст хоёрдугаар сарын 9-ний өдөр ажиллагааг зогсоосон юм. Учир нь ухаж төнхөх тусам цөмрөлт улам томрох төлөвтэй байсан учир бохирын хоолойн ажиллагааг тогтворжуулахад нэн тэргүүнд анхаарчээ. Бохир урсгалыг өөр тийш нь чиглүүлэх ажил дөрөвдүгээр сарын 24-нд дуусгавар болсон.

Муу усны сувгийн хоолой задарснаас болж үүссэн цөмрөлтөөр 15 метр гүн, 40 метр өргөн нүх үүссэн билээ.

Тэгвэл сураггүй болсон жолоочийнх байх магадлалтай цогцсыг олсон гэдгээ орон нутгийн эрх баригчид Пүрэв гаригт мэдээлэв. Усны урсац болон хүхэрт устөрөгчийн хийн түвшинг үнэлэх зорилгоор хоолой руу орох үед цогцсыг олжээ.

Гал сөнөөгчид болон цагдаа нар өнөөдрөөс бүрэн хэмжээний сэргээн босголтын ажлыг эхлүүлэхээр төлөвлөж байна.