Ой хээрийн түймэр хуурайшилтаас шалтгаалж нийт нутгийн хэмжээнд өндөр эрсдэлтэй байгааг албаныхан анхааруулж буй. Гэвч зарим хүний санамсар болгоомжгүй үйлдлээс болж хээрийн түймэр ихээр гарч байна. Ойрын өдрүүдэд цаг агаар салхи шуурга ихтэй байгаа учир түймэр тархах, тархалтыг зогсоох боломжгүй эрсдэл ч үүсч байгаа юм. Үүнтэй холбоотойгоор онцгойгийн алба хаагчид бүхий л нөөц боломжоороо ажиллаж байна. Гэхдээ алба хаагчдын ажил үүргээ гүйцэтгэж байгаа энэ үед өөрийн ажлаа ганцаар сайн гүйцэтгэж байгаа мэтээр үйлдлийг Шадар сайд, УОК-ын дарга С.Амарсайхан чамгүй гүйцэтгэж байгаа гэхэд хилсдэхгүй.

Алба хаагчдад нь гал түймэртэй тэмцэх хувцас, хэрэгслээс бусад зориулалтын техник хэрэгсэл дутагдалтай байхад хариуцсан сайд нь өөрийн биеэр ажил шалгаад, танилцаад явж байгаа нь зохимжгүй гэдгийг иргэд хэлж байгаа юм.