Prodent шүдний эмнэлгээс монгол хүний шүдний онцлогт тохирсон япон технологиор монголдоо үйлдвэрлэсэн AiDent шүдний сойзыг хэрэглээнд нэвтрүүлжээ.

AiDent шүдний сойз нь хамгийн арын араа шүд зэрэгт амархан хүрэх боломжтой дундаж хэмжээтэй, зөөлөн үстэй, шүдний өнгөр бохирдлыг 99 хувь арилгах давуу талтай ажээ. AiDent шүдний сойзыг зургаагаас дээш насны бүх хүмүүс хэрэглэх боломжтой. Шүдний бүтцэд тохирсон сойзыг хэрэглэснээр шүдний өвчлөлөөс урьдчилан сэргийлэх бүрэн боломжтой гэдгийг шүдний их эмч Э.Ануударь хэлэв. Сойзыг 6-10 долоо хоног тутамд шинэчлэн сольж байхыг зөвлөсөн юм. Шинэ сойз нь гурван сар хэрэглэсэн сойзтой харьцуулахад өнгөрийг 30 хувиар илүү цэвэрлэдэг болох нь судалгаагаар батлагдсан байна.

Сүүлийн жилүүдэд монголчуудын дунд шүд цоорох өвчин ихэссэн. Тухайлбал, эрт илрүүлэг үзлэг шинжилгээнд хамрагдсан 0-17 насны  хүүхдүүдийн 61 хувь нь шүд цоорох өвчлөлтэй гэсэн судалгааны дүн гарсан байдаг. Шүдний өвчлөл нь олон шалтгаантай. Тухайлбал, чихэрлэг зүйлийн хэрэглээ ихэссэн, шүдээ дутуу арчилснаас мөн шүдний сойзыг буруу сонгож хэрэглэснээс үүдэж шүдний өвчлөл үүсдэг байна.