Хойд Солонгос устгагч шинэ хөлөг онгоцоо танилцуулав

Хойд Солонгосын удирдагч Ким Жон Ун олон төрлийн зориулалттай устгагч хөлөг онгоцны нээлтэд оролцсон гэж тус улсын төрийн "KCNA" агентлаг мэдээлжээ.

Эрх баригч Ажилчдын намын нарийн бичгийн дарга Жо Чун Рёнгоос иш татсанаар, 5 мянган тонн жинтэй байлдааны хөлөг онгоцыг 400 хоногийн дотор бүтээгдсэн бөгөөд хамгийн хүчирхэг зэвсгээр бүрэн тоноглогдсон аж.

Тус улсын төрийн хэвлэлийн мэдээлснээр, уг хөлөг онгоцыг 2026 оны эхэн үед тэнгисийн цэрэгт хүлээлгэн өгнө. Тус агентлагийн нийтэлсэн видео бичлэгт, Ким баруун бүс нутагт байх Намфо боомт руу охин Жү Аэгийнхээ хамт галт тэргээр очиж буйг харуулсан. Нээлтийн ёслолын үеэр Ким үг хэлэхдээ, " Хэрэв АНУ цэргийн хүчээ үргэлжлүүлэн, шинэчлэх юм бол бид стратегийн аргаар таслан зогсоох арга хэмжээгээ сэргээхээс өөр сонголтгүй байх болно" гэж мэдэгдсэн байна. Түүний дүү Ким Ё Жон мөн адил нээлтийн арга хэмжээнд оролцсоныг тухайн видео бичлэгээс харж болно.

Уг хөлөг онгоцыг Японы хувьсгалын эсрэг тэмцэгч Чое Хёны нэрэмжит "Чо Хён ангилал" гэх ангилалд оруулсан байна.

Кимийн мэдэгдсэнээр, Чо Хён ангиллын устгагч хөлөг онгоц нь дайралтаас урьдчилан сэргийлэх хүчтэй төдийгүй халдлага хийх чадал нь ямар ч цар хүрээгээр хэмжигдэхгүй аж. Тэрээр мөн шинэ устгагчийг бүтээсэн бүх техникийн ажилтанд талархал илэрхийлсэн бөгөөд энэ нь "Тэнгисийн цэргийн хүчийг бэхжүүлэх намын үзэл баримтлалыг тууштай дэмжиж буйн илрэл" гэж мэдэгджээ.

ЭХ СУРВАЛЖ: REUTERS

12 сэтгэгдэл

Хариулахаа болих

Эрдэнэцогт 2025-04-27 202.9.47.25

Оросууд өөрийн нутгаа чөлөөлөхөөр Курск мужийг эзэллээ гээд байдаг, Японы түрэмгийллийг японы хувьсгал гээд байх юм. За сэтгүүлч нь гадаад хэлэндээ сайн монгол хэлэндээ муу байдаг юмаа гэхэд редактор гээд нэг МАНУУХАЙ баймаар юм даа. Мануухай цалин авч байгаа ажилаа хийгээчээ

Хариулах

Нэргүй 2025-04-27 202.126.90.87

Таван хөвөгч дрон очоод нэг нь онож дэлбэ шаана. Хайран мөнгө

ЗОЧИН 2025-04-27 202.9.40.122

Америктай дайтна гээд байхын ганц тэнгисийн дроноор зомгол болгоно биз дээ.

Зочин 2025-04-27 66.181.160.100

Үнэн

Нэргүй 2025-04-27 78.246.51.114

ганц онгоц ганц дрон гшйцээ

Нэргүй 2025-04-27 139.5.216.176

тэнэгтээд л… наадах чинь чиний мэддэг завь биш, торпед, пуужингаар ноход ч тэр болгон живээд байдаг ч эд биш.

Зочин 2025-04-27 202.9.40.15

Монгол завь үйлдвэрлэх болсон. Дэлхийн хамгийн ядуу хоцрогдсон комнист хойд солонгос пуужин атомын бөмбөг усан онгоц үйлдвэрлээд япон амеркийг айлгаад байх юм. Дэлхийн хамгийн ардчилсан эрх чөлөөтэй монгол улс бандааш хадаас мэтээ хуужагаас аваад улам ядуураад байх юм. Гайхалтай юмаа.

Зочин 2025-04-27 202.55.188.107

Ардчилсан эрх чөлөөтэй улс гэдэг чинь хамгийн ядуу хоцрогдсон улс болдгийн тод жишээ МУ болжээ. Коммунист дэглэмтэй улс л хөгждөг юм байна. Ким Жон Ун ч дэлхийн удирдагч юм. Метро нь гэхэд дэлхийн хамгийн урт хамгийн гүнзгий хамгийн цэвэрхэн гэж байгаа. Оросын метроны загвараар баригдсан. Оростой нөхөрлөвөл хөгждөг , Хятадтай нөхөрлөвөл урууддаг , Америктай нөхөрлөвөл сөнөдөг гэдгийг ухаанд нь ухна ишиг үхчихээгүй хүмүүс ойлгох биз.