ТӨГРӨГ НУУРЫН ОРДЫН ХЭРГИЙГ ШУУРХАЙ ИЛРҮҮЛНЭ

УИХ-ын гишүүн, Засгийн газрын хэрэг эрхлэх газрын дарга Н.Учрал 2025 оны дөрөвдүгээр сарын 9-ны өдөр мэдээлэл хийх үеэрээ УИХ-ын гишүүн Х.Баттулгыг Төгрөг нуурын ордыг 250 сая ам.доллараар зарсан. Түүнтэй энэ хэрэг холбоотой гэдгийг нотлох 500 гаруй хуудас баримт бичиг надад байна гэсэн юм. Ингэж уг асуудал олны анхаарлын төвд орж, иргэдийн дунд хүлээлт үүсээд буй. Тэгвэл өнгөрсөн долоо хоногт /2025.04.24/ тус хэргийг илрүүлэх ажлын хэсгээс мэдээлэл хийж уг хэрэг нь "эрх мэдэл, албан тушаалын байдлаа урвуулан ашигласан байж болзошгүй" болон "үндэслэлгүй хөрөнгөжсөн байж болзошгүй" гэх асуудлаар хэрэг нээгээд шалгасан. Мөн мөнгө угаасан байж болзошгүй, мөнгө завшсан гэх үйлдлүүд гарсан байж болзошгүй. Тиймээс улсын Ерөнхий прокуророос цагдаагийн байгууллага болон АТГ-тай хамтран ажлын хэсэг байгуулаад мөрдөн шалгах ажиллагааг үргэлжлүүлэн шалгаж байгаа гэсэн юм.

Тодруулбал, ажлын хэсгийн төлөөлөл хэлэхдээ, "2025 оны дөрөвдүгээр сарын 11-ны өдөр Монгол Улсын Засгийн газрын Хэрэг эрхлэх газраас гэмт хэргийн талаарх мэдээллийг ирүүлсэн. Уг мэдээллийг Авилгатай тэмцэх газар болон Улсын Ерөнхий прокурорт ирүүлсэн учир 2025 оны дөрөвдүгээр сарын 17-ны өдөр хэрэг бүртгэл нээсэн. Уг тогтоолын дагуу хүлээн авч хянаад "Эрх мэдэл, албан тушаалын байдлаа урвуулан ашиглан байж болзошгүй", "Үндэслэлгүй хөрөнгөжсөн байж болзошгүй" гэх асуудлаар хэрэг бүртгэл нээн мөрдөн шалгах ажиллагааг явуулж байна. Хамтарсан ажлын хэсэг байгуулагдаад шалгаж байна. Ямар нөхцөлд хамтарсан ажлын хэсэг байгуулан шалгадаг вэ гэхээр хэд хэдэн байгууллагын чиг үүрэгт хамаарах асуудлаар мөрдөн шалгах ажиллагаа явуулах нөхцөл бүрдэх үед тэгдэг. Улмаар АТГ-ын мөрдөн шалгах хэлтсээс хамтарсан ажлын хэсэг байгуулах саналыг прокурорт ирүүлсэн. Улмаар Улсын Ерөнхий прокуророос цагдаагийн байгууллага болон АТГ-тай хамтран ажлын хэсэг байгуулаад өнөөдөр мөрдөн шалгах ажиллагааг үргэлжлүүлэн шалгаж байна. Хэргийг түргэн шуурхай илрүүлэхээр хамтарсан ажлын хэсгийг байгуулсан" гэдгийг хэлсэн юм.

Дэлгэрэнгүй мэдээллийг энд дарж уншина уу

БАГАХАНГАЙ-ХӨШИГИЙН ХӨНДИЙ ЧИГЛЭЛИЙН ТӨМӨР ЗАМЫГ ДӨРВӨН САРЫН ХУГАЦААНД БАРИНА

Багахангай-Хөшигийн хөндий чиглэлийн салбар төмөр замын төслийн нээлтийн ажиллагаа /2025.04.25/-ны өдөр Хөшигийн хөндийд болов.

"Улаанбаатар төмөр зам" ХНН-ийн Багахангай өртөөнөөс салаалж Төв аймгийн Сэргэлэн сумын нутгаар дайрч, Хөшигийн хөндий хүртэл чиглэсэн энэхүү гуравдугаар зэрэглэлийн төмөр зам нь 102.5 км урттай бөгөөд 1520 мм царигтай, гурван өртөө, дөрвөн зөрлөгтэй, 2.5 км урт гүүрэн байгууламжтай байх юм. Багахангай-Хөшигийн хөндий чиглэлийн төмөр зам ашиглалтад орсноор нийслэл Улаанбаатар хот, тээвэр логистикийн гол зангилаа бүс болох Хөшигийн хөндийтэй төмөр замаар холбогдож, улс орны эдийн засаг, ачаа тээвэр, логистикийн хөгжилд стратегийн чухал нөлөө үзүүлж, Хөшигийн хөндийд баригдах Хүннү хот, “Тээвэр логистикийн төв”-ийг барьж байгуулах суурь нөхцөл бүрдэнэ гэдгийг албаныхан онцолж байгаа юм. Төмөр замын бүтээн байгуулалтыг дотоодын 110 орчим аж ахуйн нэгжийн 2500 гаруй инженер, ажилтнууд 1500 орчим техник, машин, механизм ашиглан барилга угсралтын ажлыг гүйцэтгэж, ирэх аравдугаар сараас өмнө ашиглалтад оруулахаар төлөвлөж байна.

Дэлгэрэнгүй мэдээллийг энд дарж уншина уу

Л.ОЮУН-ЭРДЭНЭ: ОРД АВСАН НӨХДҮҮДЭД ХЭЛЭХЭД БИ БАЙР СУУРИАСАА ХАЗАЙХГҮЙ 

Өнгөрсөн долоо хоногийн Баасан гаригийн /2025.04.25/ УИХ-ын чууганы хуралдааны үеэр Ерөнхий сайд Л.Оюун-Эрдэнэ УИХ-ын гишүүн Ж.Баярмаагийн асуултад хариалахгүй, залуу хүн байж хүний өмнөөс битгий хачин юм ярь. Баярцогтийн хүн гэх утга илэрхийлсэн нь олны дургүйцлийг хүргэв.

УИХ-ын гишүүн Ж.Баярмаагийн хувьд, Ерөнхий сайдын мэдээлэлд “Сангийн орлого жил бүр нэмэгдэж, 2030 он гэхэд сангийн нийт орлого 3.4 их наяд төгрөгт хүрэхээр байна” гэлээ. Төсвийн тэнцвэржүүлсэн орлого ашигтай гарч байж, түүнээс нь Баялгийн санд төвлөрүүлэх хуультай.

Гэтэл энэ оны эхний улирлын байдлыг өмнөх оны эхний улиралтай харьцуулахад төсвийн тэнцвэржүүлсэн тэнцэл хасахтай буюу 375 тэрбум төгрөгийн алдагдалтай явж байна.

Энэ нь өмнөх оны мөн үед 1.6 их наяд байсан, хэд дахин буурсан нь харагдаж байна. Экспортын бараа бүтээгдэхүүн болох нүүрс маань юу болчихсон явж байгааг бүгд мэднэ.  Нүүрсний экспорт 883 сая ам.доллараар буюу 42 хувиар буураад явж байна. Нүүрсийг нэг тонныг нь 125 ам. доллараар зарж байж ашигтай гарч сандаа төвлөрүүлнэ гэж төлөвлөсөн.

Гэтэл нүүрсний үнэ 50 ам.доллараар буурсан. Алт өмнөх оныхоос 47 сая ам. доллараар буураад явж байна. Бүх юм хасах үзүүлэлттэй буураад байна.

Нийт орлого 2 их наядаар буюу 16 хувиар буурсан явж байна. Нүүрс экспортын 45-55 хувийг бүрдүүлж байгаа. Ирээдүй гэдэг гоё нэрийн дор баялаг гэдэг юмыг яриад байна. Бодит амьдрал чинь ямар байна вэ. Та санаа зовж байна уу. Өнөөдрийн ард түмний амьдралыг яая гэж бодож байна. Гадаадын хөрөнгө оруулалт дээр ямар бодлого барьж байна вэ. Баялгийн санд хуримтлуулна гээд хийж байгаа ажил зөв боловч гадаадын хөрөнгө оруулалт орж ирэх баталгаа байгаа юм уу.

2030 он гэхэд Баялгийн санг 3 их наядаар арвижуулах боломж гарц гаргалгаа харагдаж байгаа юм уу гэх зүйлийг хэлсэн байдаг.

Дэлгэрэнгүй мэдээллийг энд дарж уншина уу

РОМЫН ПАП ФРАНЦИС ТААЛАЛ ТӨГСӨВ