НЭМЭЛТ:

"The MongolZ" баг 0-2 гэсэн харьцаатай тахим буулгаж, "IEM Мельбурн" 3-4 байраар тэмцээнээ өндөрлүүллээ. Хоёр ээлжийн тоглолт хоёулаа 13-3 гэсэн харьцаатай өрнөв. Маргааш гранд финалын тоглолтод "Vitality" болон "Falcons" багууд тоглохоор болжээ.

Тоглолтын өмнө "Techno4K" ярихдаа "Өмнө нь бид Vitality-г хожиж болох байсан. Гэхдээ тэдний тоглолт хэв маягт дасч чадаагүй. Одоо бид өөрсдөдөө итгэлтэй байх хэрэгтэй. Бид Австралийн энэ хөгжөөн дэмжигчдэд дуртай. Тэд бидэнд үнэхээр үнэнч" гэлээ.

Ийнхүү тоглолт эхлэв. Эхний мап "Mirage" бол дараагийнх нь "Nuke". Харин шийдвэрлэх мап нь "Inferno".

"IEM Мельбурн" тэмцээний хагас шигшээ шатны тоглолтууд өнөөдөр/2025.04.26/ эхэллээ. Эхний тоглолт Саудын Арабын "Falcons" болон Германы "MOUZ" багуудын хооронд болж, "m0NESY"-г нэгтгэсэн "Falcons" баг өрсөлдөгчөө 2-0 гэсэн харьцаатай хожиж, гранд финалд шалгарав.

Тэгвэл тун удахгүй 18:00 цагаас Монголын "The MongolZ" болон Францын "Vitality" багуудын тоглолт эхлэх гэж байна. Оны эхээр "ropz"-г "FaZe"-ээс урвуулж чадсан тэдний хожлын цуврал өдгөө 19 болжээ. Ерөнхийдөө бүхий л шилдгүүдийг ээлж дараалан буулган авч, оролцсон тэмцээн бүртээ түрүүлж байна. Хэрэв тэд энэ тэмцээнд түрүүлвэл календарийн жилд "ESL"-ийн дөрвөн томоохон тэмцээнүүдэд түрүүлсэн амжилтаараа нэг сая ам.долларын шагнал хүртэх учиртай.

"ESL"-ийн зүгээс ч нэг сая ам.доллартаа харам хандаж, "Vitality"-г гранд финалд хожиж, тэмцээнээс хассан багт 100 мянган ам.долларын бонус өгөхөө зарласан.