Польшийн Гадаад хэргийн сайд Радек Сикорский Лхагва гаригт парламентад үг хэлэхдээ ОХУ-ын удирдагчдад хандан ширүүн үгс хэлэв. Сикорский Польш улс хил дамнасан дайнаас болж хүнд байдалд орсныг онцлохын зэрэгцээ барууны эв нэгдэл задарч буйд санаа зовж байгаагаа илэрхийлэв.

Тэрбээр Орост хандан "Та нарт хангалттай газар нутаг байхгүй гэж үү? 11 цагийн бүстэй хэрнээ л хангалтгүй байна уу? Өөрсдийн хилд багтах нутаг дэвсгэрээ л олон улсын хуульд нийцүүлэн захирсан нь дээргүй юу? Польш айл өрхүүдийн дунд айдас түгшүүр, одоо яах бол гэсэн эргэлзээ л байна. Бид ч бас Оросын түрэмгийллийн эрсдэлтэй тулгараад байгаа юм гэж үү? Европ, АНУ-ын харилцаа хямрал руу хөтлөөд байна уу даа? Европ тив батлан хамгаалах чадамжаа яаралтай нэмэгдүүлэх боломж байхгүй юм гэж үү?" гэв.

Мөн Орост анхааруулга болгон "Та нар Киев, Вильнюс, Рига, Таллинн, Кишинев гээд хаанахыг ч захирч чадахгүй" гэжээ.

Оросын түрэмгийлэл Украинаар зогсохгүй гэх айдас түгшүүр байгаа тул Польш болон Европын холбоотнууд батлан хамгаалахын чадавхиа нэмэгдүүлэхээр хичээх болсон. Трампийн засаг захиргаа ч Европыг аюулгүй байдалдаа илүү их санаа тавих хэрэгтэй гэж сануулж буй.

Сикорский АНУ-ын ерөнхийлөгчийн нэрийг шууд хэлээгүй ч түүнд мөн хандаж үгээ хэлсэн гэж үзэж байна. Тэрбээр "Польшийн хувьд барууны эв нэгдэл задрах нь хамгийн том аюул. Тийм учраас бид худал хуурмагийг, ямар ч үйлдэл хийхгүй байхыг тэвчихгүй. Бид ганцаараа байж чадахгүй" гэв.